Joel 2:28 - Marahay na Bareta Biblia

²⁸ “Pakatapos, papahiligon ko an sakong espiritu sa gabos na tawo: an saindong mga aking lalaki saka babae maghuhula; an saindong mga gurang na lalaki magkakaigwa nin mga pangatorogan; an saindong mga hoben na lalaki makakahiling nin mga bisyon.

Joel 2:28 ပူးပေါင်းရင်းမြစ်များ

Mga Talinhaga 1:23

Kun hinanyogon nindo an sakong pagsagwe, itatao ko saindo an marahay na hatol asin ihihiras ko saindo an sakong naaaraman.

Isaias 32:15

Alagad ipapadara giraray nin Dios sato an saiyang espiritu. An kalangtadan magigin sarong matubang na daga, asin an kaomahan mamumunga nin dakul na ani.

Isaias 40:5

Dangan mahahayag an kamurawayan nin Kagurangnan, asin mahihiling iyan kan gabos na katawohan. An Kagurangnan mismo an nagtaram kaini.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Jeremias 23:25

Nadangog ko an sinabi kan mga propeta na nagpopropesiya nin kaputikan sa sakong ngaran saka nagsasabi na tinawan ko sinda kan sakong mensahe sa saindang mga pangatorogan.

Jeremias 23:28

Pabayae an propetang nangatorogan na magsabi kan saiyang pangatorogan, alagad tugote an propeta na nakadangog kan sakong mensahe na magin maimbod sa paghulit kaiyan. Ano an karahayan kan dagami kun ibaing sa trigo?

Ezekiel 36:27

Ibubugtak ko saindo an sakong espiritu asin gigibohon ko nanggad na magkuyog kamo sa sakong mga togon saka mag-otob kan mga pagboot na itinao ko saindo.

Ezekiel 37:14

Tatawan ko sinda kan sakong espiritu asin mabubuhay sinda, dangan tutugotan ko sindang mag-erok sa sadiri nindang daga. Dangan maaaraman ninda na ako, an Kagurangnan, an nagtaram asin gigibohon ko iyan.”

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Daniel 7:1

Kan enot na taon kan paghahade ni Belsazzar nin Babilon, nagkaigwa ako nin pangatorogan asin nahiling ko an sarong bisyon sa pagkabanggi. Isinurat ko an pangatorogan, asin iyo ini an kasaysayan

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Mga Bilang 11:17

Mahilig ako dangan makikiolay saimo duman. Kukuahon ko an ibang espiritu na itinao ko saimo asin itatao ko sainda tanganing makatabang sinda sa pag-otob mo sa saimong katongdan para sa mga tawong ini; dangan dai ka na magsosolo sa pag-otob kaiyan.

Mga Bilang 12:6

dangan nagtaram an Kagurangnan, “Dangoga nindo an sakong itataram! Kun may mga propeta saindo, minapahiling ako sainda sa mga bisyon, asin kinakaolay ko sinda sa mga pangatorogan.

Lukas 1:67

Napano kan Espiritu Santo si Zacarias na ama ni Juan, asin nagpropesia,

Lukas 3:6

Mahihiling kan gabos na tawo an pagligtas nin Dios!’”

Juan 7:39

Sinabi niya ini manongod sa Espiritu na aakoon kan mga minatubod saiya. Sa panahon na idto dai pa itinatao an Espiritu, huli ta dai pa pinagmuraway si Jesus.

Mga Gibo 2:33

Initaas siya sa too nin Dios; inako niya sa Ama an Espiritu Santo na ipinanuga saiya. Hale saiya ini gabos na nahihiling saka nadadangog nindo ngunyan.

Mga Gibo 2:39

Huli ta para saindo an panugang ini nin Dios, saka sa mga aki nindo asin para sa mga nasa harayo—sa gabos na inaapod kan Kagurangnan tang Dios.”

Mga Gibo 21:9

Igwa siya nin apat na aking daraga na naghuhulit man kan tataramon nin Dios.

Galacia 3:28

Kaya mayo nin kalaenan an Judio sa pagano, an oripon sa bakong oripon, an lalaki sa babae; kamo gabos saro sana ki Cristo Jesus.

Hebreyo 1:1

Kaidtong panahon, sa kadakul na beses asin sa manlaen-laen na paagi, nagtaram an Dios sa satong mga ginikanan huli kan mga propeta.

1 Samuel 19:20

kaya nagsugo siya nin nagkapirang lalaki tanganing dakopon si David. Kan mahiling kan mga sinugo an grupo nin mga propeta na nagsasarayaw asin nagkukurahaw sa kaibahan ni Samuel, nag-abot sainda an espiritu nin Dios, asin nagpoon man sindang magsarayaw saka magkurahaw.

1 Samuel 19:21

Kan mabaretaan ini ni Saul, nagsugo siya nin ibang mga lalaki, alagad nagpoon man sindang magsayaw saka magkurahaw. Sa ikatolong beses nagsugo nin mga lalaki si Saul, alagad pareho man an ginibo ninda.

1 Samuel 28:6

kaya naghapot sa Kagurangnan kun ano an dapat niyang gibohon. Alagad dai siya sinimbag nin Kagurangnan, maski sa paagi nin pangatorogan o sa Urim saka Tummim o sa mga propeta.