Joel 2:24 - Marahay na Bareta Biblia

²⁴ An mga lugar nin ginikan mapapano nin trigo; an mga laogan sa kataed kan mga pugaan nin ubas magsusupay nin arak saka lana nin oliba.

Joel 2:24 ပူးပေါင်းရင်းမြစ်များ

Ezekiel 36:8

Alagad sa kabukidan nin Israel, an mga kahoy magdadahon asin mamumunga para sa saindo, sakuyang banwaan nin Israel. Madali na kamong magpuli.

Joel 3:13

Dakula an saindang karatan; putola sinda arog sa mga poon nin trigo kun tig-ani; ronota sinda arog kan pagronot sa ubas sa sarong pano nang pugaan nin ubas, sagkod na magsupay an arak.”

Joel 3:18

Sa panahon na iyan matatahoban nin mga ubasan an kabukidan, asin sa gabos na bulod makukua an kabakahan; an gabos na sapa nin Juda magbubulos nin tubig. Sarong sapa an mabulos hale sa Templo nin Kagurangnan, dangan babaribihon kaiyan an Sittim.

Levitico 25:19

An daga mamumunga, asin mapapasaindo an gabos na boot nindong kakanon, patin matoninong kamong mag-eerok sa daga.

Levitico 26:10

Magigin dakul an saindong aanihon kaya magkakakan kamo nin trigo na haloy na nindong sinaray, asin itatapok nindo an natada kan huring pag-ani tanganing ikalaog nindo an bagong inani.

Amos 9:13

An Kagurangnan nagtataram, “Maabot an panahon na mas marikas an pagtalubo kan trigo ki sa pag-ani kaiyan, asin an pagtalubo kan ubas ki sa paggibo nin arak. An kabukidan magtatagdo nin mahamis na arak, asin magbubulos nin arak an kabubuldan.

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.