Joel 2:20 - Marahay na Bareta Biblia

²⁰ Hahaleon ko an hukbo nin mga doron na nag-abot hale sa amihan dangan aalawon ko an iba sa sainda pasiring sa desyerto. An mga nangengenot sainda mapapaduman sa Gadan na Dagat, an mga nasa hurihan mapapaduman sa Mediteraneo. Duman sinda magagadan saka mabata. Gagadanon ko sinda huli kan gabos nindang ginibo sa saindo.

Joel 2:20 ပူးပေါင်းရင်းမြစ်များ

2 Mga Hade 8:13

“Siisay ako na magibo kan mangirhat na bagay na iyan?” an hapot ni Hazael. “Ipinahiling sako nin Kagurangnan na magigin hade ka nin Siria,” an simbag ni Eliseo.

Salmo 126:3

Dakulang mga bagay an ginibo niya para sato, kaya kita maogma!

Exodo 10:19

Pinahoyop nin Kagurangnan an makosog na doros hale sa solnopan asin ipinalid kaini an mga doron pasiring sa Dagat na Pula. Mayong natada maski sarong doron sa bilog na daga nin Egipto.

Exodo 8:14

Tinambak kan mga Egipcio an mga gadan na talapang, na nakapabata sa Egipto.

Isaias 34:3

An saindang mga bangkay dai ilulubong, kundi maglalapa saka magbabata; an mga bukid mapula kan saindang dugo.

Ezekiel 47:18

“An pagdolonan sa sirangan mapoon sa pagultanan kan Damasco saka Hauran, dangan mapasiring sa habagat. An Salog nin Jordan iyo an magigin pagdolonan kan daga nin Israel sa parteng solnopan asin kan Gilead sa parteng sirangan, sagkod sa Tamar, sa Gadan na Dagat.

Amos 4:10

“Nagpadara ako nin peste sa saindo arog kan peste na ipinadara ko sa Egipto. Ginadan ko sa gera an hoben nindong mga lalaki asin sinamsam an saindong mga kabayo. Pinano ko an saindong mga dungo kan parong nin mga gadan sa saindong mga kampo, alagad dai man giraray kamo nagbalik sa sako.

Zacarias 14:8

Pag-abot kan aldaw na iyan, mabulos hale sa Jerusalem an preskong tubig; an kabanga kaiyan mapasiring sa Gadan na Dagat asin sa Mediteraneo an kabanga. Magbubulos iyan sa bilog na taon, tig-init man o tig-lipot.

Malakias 3:11

Dai ko itutugot na raoton kan mga insekto an saindong mga oma; mamumunga nin dakul an saindong mga balagon nin ubas.

Deuteronomio 11:24

Mapapasaindo an gabos na daga na mababatayan nindo. An pagsadiri nindo mapoon sa desyerto sa parteng habagat sagkod sa kabukidan nin Lebanon sa parteng amihan; mapoon sa Salog nin Eufrates sa parteng sirangan sagkod sa Dagat nin Mediteraneo sa parteng solnopan.