Joel 2:19 - Marahay na Bareta Biblia

¹⁹ Sinimbag niya sinda: “Ngunyan tatawan ko kamo nin trigo, arak saka lana nin oliba, asin mababasog kamo. Dai na kamo pagtutuyatuyaon kan ibang nasyon.

Joel 2:19 ပူးပေါင်းရင်းမြစ်များ

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Ezekiel 34:29

Tatawan ko sinda nin marahay na kaomahan asin tataposon ko na an gutom sa daga. Dai na sinda pagtutuyatuyaon kan mga nasyon.

Ezekiel 36:15

An daga dai ko na tutugotan na makadangog pa nin mga pagtuyatuya kan mga nasyon, asin dai na iyan matios kan mga pagsopog nin mga banwaan. Dai na kaiyan hahabonan nin mga aki an nasyon. Ako, an Kagurangnan Dios, an nagtaram.”

Ezekiel 36:29

Ililigtas ko kamo sa gabos na nakakadigta saindo. Pagbobotan ko an trigo na magdakul, tanganing dai na nanggad kamo magkaigwa nin gutom.

Ezekiel 36:30

Papadakulon ko an bunga kan saindong mga kahoy saka mga oma, tanganing dai na kamo magkaigwa nin gutom na masopog sa saindo sa tahaw kan mga nasyon.

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Oseas 2:15

Itatao ko giraray saiya an mga ubasan na sadiri niya asin an Kapantayan nin Kasakitan gigibohon kong sarong pintoan nin paglaom. Sisimbagon niya ako duman siring kan ginibo niya kan hoben pa siya, kan mag-abot siya hale sa Egipto.

Oseas 2:21

Sa panahon na iyan sisimbagon ko an mga pamibi kan sakong banwaan na Israel. Pahuhugpaon ko an uran sa daga dangan mamumunga iyan nin trigo, ubas asin oliba.

Joel 1:10

Mayo nang kaomahan; an daga nagmomondo huli ta naraot an mga tanom na trigo, naalang an mga ubas, asin nagkaaralang an mga kahoy na oliba.

Joel 2:24

An mga lugar nin ginikan mapapano nin trigo; an mga laogan sa kataed kan mga pugaan nin ubas magsusupay nin arak saka lana nin oliba.

Levitico 26:5

Magigin dakul an saindong aanihon, kaya mantang nag-aani pa kamo kan saindong trigo maabot na an panahon na maguno kamo kan ubas asin mantang nagguguno pa kamo kan ubas, maabot na an panahon nin pagsabwag nin trigo. Mapapasaindo an gabos na boot nindong kakanon asin mamumuhay kamong matoninong sa saindong daga.

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Deuteronomio 11:14

Kun gibohon nindo ini, papadarahan niya nin uran an saindong daga sa tamang panahon, tanganing magkaigwa kamo nin banhi, arak saka lana nin oliba,

Ruth 1:6

Dai nahaloy, nabaretaan ni Naomi na benendisyonan nin Kagurangnan an saiyang banwaan sa pagtao sainda nin marahay na ani; kaya nag-andam siya na maghale sa Moab kaiba an saiyang mga manugang.