Joel 1:15 - Marahay na Bareta Biblia

¹⁵ Harani na an aldaw nin Kagurangnan, an aldaw na manraraot an Makakamhan. Mangirhat na gayo an aldaw na iyan!

Joel 1:15 ပူးပေါင်းရင်းမြစ်များ

Salmo 37:13

Alagad nginingisihan nin Kagurangnan an mga maraot na tawo, huli ta aram niyang madali na sindang magadan.

Jeremias 30:7

Makatatakot an aldaw na iyan. Mayo iyan nin kaarog; panahon iyan nin kahaditan para sa sakong banwaan, alagad makakaligtas sinda diyan.”

Jeremias 46:10

An aldaw na iyan iyo an aldaw kan Kagurangnan Dios nin mga hukbo: an aldaw nin pagbalos niya sa saiyang mga kaiwal. An espada niya makakan sagkod na mabasog, saka iinomon kaini an saindang dugo. Huli ta idinodolot nin Kagurangnan Dios nin mga hukbo an saiyang mga ginadan sa amihan, sa may Salog nin Eufrates.

Ezekiel 30:3

Harani na an aldaw, an aldaw na may gigibohon an Kagurangnan. Sarong aldaw nin mga panganoron saka mga kapahamakan para sa mga nasyon.

Joel 2:11

Pakurahaw na pinagbotan nin Kagurangnan an saiyang hukbo. Dakul asin makosog an mga soldados na nagkukuyog sa saiya. Mangirhat nanggad an aldaw nin Kagurangnan! Siisay an makakatagal kaiyan?

Joel 2:31

An aldaw magdiklom an bulan mapula na garo dugo bago umabot an dakula saka mangirhat na aldaw nin Kagurangnan.

Joel 3:14

Ribo-ribo an yaon sa Kapantayan nin Paghukom. Madali nang mag-abot duman an aldaw nin Kagurangnan.

Obadias 1:15

“Harani na an aldaw na ako, an Kagurangnan, mahukom sa mga nasyon. Edom, an ginibo mo iyo man an gigibohon saimo. Ibabalik saimo an itinao mo.

Sofonias 1:7

Harani na an aldaw nin paghukom na gigibohon nin Kagurangnan, kaya mag-alo kamo sa atubangan niya. Nag-aandam an Kagurangnan na idolot bilang sakripisyo an saiyang banwaan, asin inalok niya an mga kaiwal tanganing samsaman an Juda.

Santiago 5:9

Mga tugang, dai kamo maghinanakit sa kapwa tanganing dai kamo hukoman. An Hukom madali nang mag-abot!

Kapahayagan 6:17

Huli ta an mangirhat na aldaw kan saindang kaanggotan nag-abot na asin siisay an makakatagal kaiyan?”