Joel 1:11 - Marahay na Bareta Biblia

¹¹ Kamong mga paraoma, pagmondo; paghibi, kamong paraataman nin mga ubasan, huli ta an trigo, an sebada, asin an gabos na tinanom nawara na nanggad.

Joel 1:11 ပူးပေါင်းရင်းမြစ်များ

Isaias 17:11

Alagad maski magdahon saka mamurak an mga iyan sa mismong pagkaaga na itinanom mo, dai man giraray iyan magkakaigwa nin ani. Kasakitan saka dai nabobolong na kulog an mapapasaimo.

Jeremias 14:2

“Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 50:16

Puhoa an lambang paratanom sa Babilonia, asin an lambang paraani na may darang asyab. An lambang dayuhan na nag-eerok duman matatakot sa nagsasalakay na hukbo, kaya an lambang saro sainda mabalik sa sadiri niyang daga.”

Jeremias 9:12

Naghapot ako, “Kagurangnan, tadaw ta raot an daga saka alang arog sa desyerto. Tadaw ta mayo na nin nag-aagi digdi? Siisay na madonong an nakakasabot kaini? Kiisay mo ipinaliwanag an nangyaring ini tanganing ikasabi niya sa iba?”

Ezekiel 30:2

“Aki nin tawo, magpropesiya ka asin ipahayag mo na ini an itinataram ko, an Kagurangnan Dios: Sarong aldaw na makatakot an nagdadangadang!

Amos 5:16

Kaya an Kagurangnan, an Dios nin mga hukbo, nagtataram, “Magkakaigwa nin pagtangis asin panambitan sa mga tinampo. Maski an mga paraoma aapodon tanganing magtangis para sa nagadan kaiba kan mga tinandanan na paratangis.

Roma 5:5

Dai kita pinapasopog kan paglaom na ini, huli ta pinano nin Dios an satong mga puso kan saiyang pagkamoot sa paagi kan Espiritu Santo na itinao niya sato.