Jeremias 9:8 - Marahay na Bareta Biblia

⁸ An saindang dila garo bosog nin pana na nakakagadan; danay sindang nagsasabi nin kaputikan. An lambang saro nagtataram nin magayon sa saiyang kanatad, alagad an totoo, nagbubugtak siya nin siod para saiya.

Jeremias 9:8 ပူးပေါင်းရင်းမြစ်များ

2 Samuel 3:27

Pag-abot ni Abner sa Hebron, isiniblag siya ni Joab sa may trangkahan, na garo boot kaolayon sa hilom, asin duman binuno siya ni Joab sa tulak. Kaya ginadan si Abner huli ta ginadan niya an tugang ni Joab na si Asahel.

Salmo 12:2

An lambang saro nagpuputik sa saiyang kapwa; an saindang dila asin puso pano nin kaputikan.

Salmo 12:3

Paontoka an mga dilang putikon, Kagurangnan! Serahan mo an mga ngosong mapaabaw-abaw,

Salmo 120:3

Kamong mga madaya, ano an gigibohon nin Dios saindo? Paano an pagpadusa niya saindo?

Salmo 28:3

Dai mo ako pagpadusahan kaiba kan tampalasan, kaiba kan mga paragibo nin karatan, na katoninongan sa kapwa an nasa ngoso, alagad karatan an yaon sa saindang puso.

Salmo 35:20

Habo sinda kan katoninongan; ata ngani nag-iisip nin pagdaya sa mga matoninong sa daga.

Salmo 55:21

An saiyang mga tataramon mahalnas pa ki sa mantika, alagad gera an nasa puso niya; an saiyang mga tataramon malumoy pa ki sa lana, alagad matarom siring sa espada.

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Salmo 62:5

Sa Dios sana toninong na naghahalat an sakong kalag, huli ta yaon saiya an sakong paglaom.

Salmo 64:8

Huli kan saindang dila, raraoton niya sinda; dangan makuyong-kuyong nin payo an gabos na nakakahiling sainda.

Mga Talinhaga 25:18

Garo espada, pamukpok, saka bosog na matarom an tawong nagsasaksi nin kaputikan laban sa saiyang kapwa.

Jeremias 5:26

“Nag-eerok sa tahaw kan sakong banwaan an mga maraot na tawo; nanghihipa sinda arog kan mga tawong nagbibiklad nin hikot tanganing magdakop nin mga gamgam, alagad an litag na ibinugtak ninda pandakop nin tawo.

Jeremias 5:9

Bakong dapat na padusahan ko sinda huli kan mga bagay na ini? Bakong dapat na baloson ko an nasyon na siring kaini?

Jeremias 9:3

Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Jeremias 9:4

An lambang saro dapat na mag-ingat sa saiyang katood, saka dai siya manarig maski sa saiyang tugang; huli ta an lambang tugang madaya arog ki Jacob, saka an lambang saro nagbabalobagi laban sa saiyang katood.

Jeremias 9:5

An gabos nandadaya sa katood niya, mayong nagtataram nin katotoohan; tinukdoan ninda an saindang dila na magtaram nin kaputikan asin dai sinda maontok sa paggibo nin kasalan.

Mikas 6:12

An saimong mga mayaman na namamanwaan nang-aapi sa mga dukha asin gabos sinda putikon.