Jeremias 9:5 - Marahay na Bareta Biblia

⁵ An gabos nandadaya sa katood niya, mayong nagtataram nin katotoohan; tinukdoan ninda an saindang dila na magtaram nin kaputikan asin dai sinda maontok sa paggibo nin kasalan.

Jeremias 9:5 ပူးပေါင်းရင်းမြစ်များ

Genesis 19:11

Pakatapos, binuta kan duwang anghel an gabos na lalaki duman sa luwas kaya dai ninda nahiling an pinto.

An Libro ni Job 11:3

Job, naghohona ka daw na dai mi ika masisimbag? Dai daw kami magirong kun ika magtuyatuya?

An Libro ni Job 15:5

An saimong karatan nahihiling huli kan saimong tinataram; naghihingowa kang makatago sa likod kan mga tusong tataramon.

Salmo 140:3

Matarom an saindang dila siring kan sa halas; marara an saindang tataramon siring sa kamandag kan kobra.

Salmo 50:19

“Danay kang andam sa pagtaram nin karatan; daing duwa-duwa kang nagsasabi nin kaputikan.

Salmo 52:3

Orog na namomotan mo an karatan ki sa karahayan; asin an pagputik ki sa pagsabi nin katotoohan.

Salmo 64:3

Tinatais ninda siring sa espada an saindang mga dila; an saindang mga tataramon garong mga bosog na pinapatama.

Salmo 7:14

Uya, an maraot na tawo nag-iisip nin karatan; pano siya nin karibokan asin kaputikan.

Mga Talinhaga 12:5

Marahay an mga kaisipan kan matanos; an mga plano kan maraot pano nin pandadaya.

Mga Talinhaga 4:16

Huli ta an mga tampalasan dai nangangatorog kun dai nakakagibo nin maraot, asin kun mayo sinda nin nakukulogan.

Isaias 5:18

Herak man sa naggigibo nin karatan huli sa saindang kaputikan. Herak man sa mga naggigibo nin kasalan asin dai nakakatalingkas diyan,

Isaias 57:10

Pinapagal nindo an saindong mga hawak sa paghanap nin ibang mga dios, alagad dai kamo nag-oontok. Naghohona kamong an makauuyam nindong mga dios-dios an nagtatao saindo nin kosog, kaya dai kamo pinanluluya.

Jeremias 12:13

An sakong banwaan nagtanom nin trigo, alagad doot an inani; nagpagal sinda nin marahay, alagad dai sinda nagkinabang. Huli kan sakong labi-labing kaanggotan mayo sinda nin inani sa saindang mga tinanom.”

Jeremias 12:6

Pinasaluib ka maski kan mga tugang mong lalaki, na mga kaayon kan sadiri mong pamilya; kaiba sinda kan mga nagtataram tumang saimo. Dai ka magtubod sainda, maski magagayon an mga tinataram ninda.”

Jeremias 13:23

Maliliwat daw nin sarong maitom na lalaki an kolor kan saiyang kublit o nin leopardo an saiyang patak-patak? Kun mahimo ninda iyan, makakanood na man ika na maggibo nin matanos, ika na mayong ibang aram na gibo kundi karatan.

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Jeremias 51:58

An mahiwas na kudal nin Babilonia papatagon, saka an halangkaw na mga trangkahan susuloon. Mayo nin halaga an gibo kan mga nasyon; magkakalayo an saindang pinagpagalan. Ako, an Kagurangnan nin mga hukbo, an nagtaram.”

Jeremias 51:64

asin magsabi ka, ‘Iyo ini an mangyayari sa Babilonia—mairarom siya asin dai na maibabaw giraray huli kan kapahamakan na ipapadara saiya nin Kagurangnan.’” Digdi natatapos an mga tataramon ni Jeremias.

Jeremias 7:28

Sasabihan mo sinda na an nasyon ninda dai minakuyog sako, an saindang Kagurangnan Dios, ni minaako nin pagsagwe. Mayo na sa sainda an katotoohan; dai na ngani ninda ini nasasambit.

Jeremias 9:3

Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Jeremias 9:8

An saindang dila garo bosog nin pana na nakakagadan; danay sindang nagsasabi nin kaputikan. An lambang saro nagtataram nin magayon sa saiyang kanatad, alagad an totoo, nagbubugtak siya nin siod para saiya.

Ezekiel 24:12

maski ngani dai man mahahale kan kalayo an gabos na takla kaiyan.

Mikas 6:12

An saimong mga mayaman na namamanwaan nang-aapi sa mga dukha asin gabos sinda putikon.

Mikas 6:3

Nagtataram an Kagurangnan, “Banwaan ko, ano an ginibo ko saimo? Paano ako nagin sarong pagabat saimo? Simbaga ako!

Habakkuk 2:13

Nagparagal sa mayong kamugtakan na trabaho an mga nasyon na sinakop nindo; an gabos nindang pinatindog nagkakasurulo man sana. An Kagurangnan nin mga hukbo iyo an kaggibo kaini.

Malakias 2:10

Bakong saro man sana an satong ama? Bakong saro sanang Dios an naglalang sato gabos? Kun siring, tadaw ta dai ta inootob an satong panuga sa satong kapwa, asin tano ta binabasang-basang ta an tipan na ginibo nin Dios sa satong mga ginikanan?

Efeso 4:25

Kaya dai na kamo magputik! An lambang saro magtaram nin totoo sa tugang niya, huli ta kita gabos kabtang kan saro sanang hawak ni Cristo.

1 Timoteo 4:2

An mga katukdoan na iyan pinalalakop kan mga putikon, na an konsyensya garo minarkahan nin nagbabagang lansang.

Hukom 2:10

Nagkagaradan an gabos na kabilang sa henerasyon na idto, asin an bagong henerasyon dai nakamidbid sa Kagurangnan asin kan mga ginibo niya para sa Israel.