Jeremias 9:4 - Marahay na Bareta Biblia

⁴ An lambang saro dapat na mag-ingat sa saiyang katood, saka dai siya manarig maski sa saiyang tugang; huli ta an lambang tugang madaya arog ki Jacob, saka an lambang saro nagbabalobagi laban sa saiyang katood.

Jeremias 9:4 ပူးပေါင်းရင်းမြစ်များ

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Salmo 101:5

An nagtutugod-tugod sa saiyang kapwa sakuyang gagadanon. An tawong hambogon asin mapaabaw-abaw dai ko matitios.

Salmo 15:3

asin dai nagbabalobagi. Dai siya naggigibo nin maraot sa saiyang katood, ni nagdadara nin salang bareta dapit sa saiyang kataed.

Mga Talinhaga 10:18

Putikon an tawong igwa nin natatagong kaanggotan; lolong an tawong nagbabalobagi.

Mga Talinhaga 25:18

Garo espada, pamukpok, saka bosog na matarom an tawong nagsasaksi nin kaputikan laban sa saiyang kapwa.

Mga Talinhaga 4:16

Huli ta an mga tampalasan dai nangangatorog kun dai nakakagibo nin maraot, asin kun mayo sinda nin nakukulogan.

Mga Talinhaga 4:17

Huli ta kinakakan ninda an tinapay nin karatan asin ininom an arak nin kadahasan.

Mga Talinhaga 6:16

Pitong bagay an ikinakaongis asin ikinakauyam nin Kagurangnan: An kapaabaw-abawan, an putikon na dila, an mga paragadan nin mga tawong mayo nin sala, an puso na nagmumukna nin mga maraot na plano, an mga bitis na naghihidali sa paggibo nin karatan, an saksi na nagpuputik, asin an tawong dahelan nin pag-iriwal kan mga magkaratood.

Isaias 59:13

Tinumangan mi ika, isinikwal, asin dai sinunod. Inapi mi an iba asin tinalikodan mi ika. Mayong katotoohan an samong mga iniisip; gabos kaputikan an samong mga itinataram.

Isaias 9:16

Linagalag an mga tawo kan mga lider asin nagkariribong sinda.

Jeremias 12:6

Pinasaluib ka maski kan mga tugang mong lalaki, na mga kaayon kan sadiri mong pamilya; kaiba sinda kan mga nagtataram tumang saimo. Dai ka magtubod sainda, maski magagayon an mga tinataram ninda.”

Jeremias 6:28

Sinda gabos rebeldeng matatagas an payo, matagas arog kan bronse saka lansang. Sinda gabos maraot, asin naglilibot sinda tanganing manlibak.

Jeremias 9:8

An saindang dila garo bosog nin pana na nakakagadan; danay sindang nagsasabi nin kaputikan. An lambang saro nagtataram nin magayon sa saiyang kanatad, alagad an totoo, nagbubugtak siya nin siod para saiya.

Ezekiel 22:9

An nagkapira sa sainda nagpuputik manongod sa iba tanganing ipagadan an mga ini. May nagkapira saindang nagkakakan kan sakripisyong idinolot sa mga dios-dios. An iba naggigibo nin karigsokan.

Levitico 19:16

Dai kamo magpalakop nin kaputikan manongod sa kiisay man, asin kun igwa nin tawong ipinaglalaban an saiyang buhay sa hukoman, kaipuhan na magpahayag kamo kun an sasabihon nindo makakatabang saiya. Ako an Kagurangnan.

Malakias 2:10

Bakong saro man sana an satong ama? Bakong saro sanang Dios an naglalang sato gabos? Kun siring, tadaw ta dai ta inootob an satong panuga sa satong kapwa, asin tano ta binabasang-basang ta an tipan na ginibo nin Dios sa satong mga ginikanan?

Mateo 10:17

Mag-ingat kamo, huli ta may mga tawong madara saindo sa mga awtoridad. Hahampakon kamo ninda sa mga sinagoga.

Mateo 10:21

“An tugang ipapagadan kan saiyang tugang. An aki ipapagadan kan saiyang ama; tutumangan kan mga aki an mga magurang ninda asin ipapagadan.

Lukas 21:16

Ipapaarestar kamo maski kan saindong mga magurang, mga tugang, mga kadugo saka mga katood; ipapagadan ninda an iba saindo.

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.