Jeremias 9:22 - Marahay na Bareta Biblia

²² Nagwararak maski saen an mga bangkay, na garo mga tambak nin ati sa kaomahan, na garo mga paroy na inasyab kan mga paraani dangan binayaan na mayo nin minatipon. Ini an ipinapataram sako nin Kagurangnan.”

Jeremias 9:22 ပူးပေါင်းရင်းမြစ်များ

2 Mga Hade 20:13

Inako ni Ezekias an mga sugo dangan ipinahiling niya sainda an saiyang kayamanan—an saiyang plata saka bulawan, an saiyang mga pahamot saka mamahalon na lana, asin an gabos niyang kagamitan sa hukbo. Ipinahiling niya sainda an gabos na nasa mga kwartong sarayan asin an nasa gabos na lugar na sakop kan saiyang kahadean.

2 Mga Hade 20:15

“Ano an nahiling ninda sa palasyo?” an hapot ni Isaias. “Nahiling ninda an gabos. Ipinahiling ko sainda an gabos na nasa mga kwartong sarayan,” an simbag kan hade.

2 Mga Hade 9:37

An saiyang bangkay mawawarak duman na garo odo, tanganing mayo nin makamidbid saiya.’”

Salmo 49:7

Sa katotoohan mayong makakabalukat kan saiyang sadiri; dai niya mababayadan an Dios kan halaga kan saiyang buhay,

Salmo 83:10

Dinaog mo sinda duman sa Endor, asin an saindang mga bangkay nalapa sa daga.

Mga Talinhaga 18:11

Alagad naghohona an tawong mayaman na an kayamanan niya an mag-iingat saiya, arog kan halangkaw asin makosog na mga kudal sa palibot nin syudad.

Mga Talinhaga 23:4

Dai mo paggadanon an saimong sadiri sa pagpayaman; magin madonong ka tanganing malikayan mo iyan.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 25:33

Sa aldaw na iyan, magkakawararak magpoon sa sarong poro kan daga sagkod sa ibong na poro an mga bangkay kan mga tawong ginadan nin Kagurangnan. Dai sinda tatangisan, titiponon saka ilulubong; magigin sinda garo tambak nin odo sa ibabaw kan daga.

Jeremias 6:21

Kaya bubugtakan ko nin mga singkogan an banwaan na ini tanganing magkadarapa sinda. Magagadan an mga ama saka mga aking lalaki; siring man an mga magkatood saka mga magkanatad.”

Jeremias 7:33

An mga bangkay magigin pagkakan kan mga gamgam saka mga lalaw na hayop; mayo nin mabugaw sainda.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Habakkuk 1:11

Dangan minadagoso sinda siring sa doros asin nawawara, sinda na an kapangyarihan iyo an mismo nindang dios.”

Sofonias 1:17

An Kagurangnan nagtataram, “Dadarahon ko sa katawohan an siring na mga kasakitan tanganing an lambang saro maglakaw na garo buta. Nagkasala sinda sako, kaya an saindang dugo mabulos na garo tubig, asin an saindang mga bangkay magkakawararak sa daga.”

Deuteronomio 8:17

Kaya dai nanggad kamo mag-isip na nagyaman kamo huli sa sadiri nindong kakayahan saka kosog.