Jeremias 9:19 - Marahay na Bareta Biblia

¹⁹ Hinanyoga an tingog nin pagtangis sa Sion: “Raot na kita! Hinalean na nanggad kita nin onra! Dapat kitang maghale sa satong daga; huli ta ginaraba na an satong mga harong.”

Jeremias 9:19 ပူးပေါင်းရင်းမြစ်များ

Isaias 32:9

Kamong mga babaeng namumuhay na matiwasay asin mayo nin mga kahaditan, dangoga nindo an sinasabi ko.

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 2:14

“Bakong oripon an Israel; dai siya namundag sa kaoripnan. Alagad tadaw ta linalamag siya kan saiyang mga kaiwal?

Jeremias 4:13

Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Jeremias 4:20

Sunod-sunod an kapahamakan; an bilog na daga nagkararaot. An samong mga tolda biglang nagkagaraba asin an mga kurtina kaiyan nagkagirisi.

Jeremias 7:15

Papahaleon ko kamo sa atubangan ko arog kan pagpahale ko sa saindong mga kadugo, an banwaan nin Israel. Ako, an Kagurangnan, an nagtaram.”

Jeremias 7:19

Alagad ako daw an nakukulogan ninda? Bako, kundi sinda man sana an nakukulogan asin nasosopgan.

Jeremias 7:29

“Pagmondo kamo, mga taga Jerusalem; putolon nindo an saindong buhok asin tapokan sa harayo. Manambitan kamo sa ibabaw kan kabubuldan, huli ta ako, an Kagurangnan, naaanggot asin isinisikwal ko an sakong banwaan.

Mga Panambitan 4:15

Nagkurahaw an mga tawo, “Humarayo kamo, mga maati! Dai nindo kami pagdutaan!” Kaya naglagalag sinda sa mga nasyon, mayo nin minaako sa sainda.

Mga Panambitan 5:2

An samong pagsadiri yaon na sa mga dayuhan, mga taga ibang nasyon na an nag-eerok sa samong mga harong.

Ezekiel 27:2

“Aki nin tawo, mag-awit ka nin sarong panambitan para sa Tiro,

Levitico 18:25

Nagin maati pati an daga huli kan saindang mga gibo, kaya pinadusahan ko an daga, asin isinuka sinda kaini.

Levitico 18:28

tanganing dai kamo isuka kan daga, arog kan pagsukahan kaini kan mga naenot saindong nag-erok duman.

Levitico 20:22

Nagtaram an Kagurangnan, “Otobon nindo an gabos kong mga togon asin mga pagboot, tanganing dai kamo isuka kan daga nin Canaan na pagdadarahan ko saindo.

Mikas 2:10

Bangon kamo asin lakaw; mayo na nin kaligtasan digdi para sa saindo. Ipinahamak kan saindong mga kasalan an lugar na ini, kaya raraoton ini.

Mikas 2:4

Pag-abot kan panahon na iyan, gagamiton nin mga tawo an istorya dapit saindo bilang sarong arogan nin kapahamakan, dangan aawiton ninda ining awit nin mayong paglaom dapit sa nangyari saindo: Buminagsak na nanggad kita! Kinua nin Kagurangnan an satong daga Asin itinao sa mga nagbihag sa sato.”

Deuteronomio 28:29

Sa liwanag nin kaodtohan, makapkap kamo siring sa sarong buta. Dai kamo mauswag sa ano man na trabaho nindo. Padagos kamong aapihon saka hahabonan asin mayo nin siisay man na matabang saindo.