Jeremias 9:17 - Marahay na Bareta Biblia

¹⁷ Nagtaram an Kagurangnan nin mga hukbo, “Horophoropa nindo an nangyayari! Apoda nindo an mga paratangis, an mga babaeng tood na manambitan.”

Jeremias 9:17 ပူးပေါင်းရင်းမြစ်များ

2 Mga Cronica 35:25

Sarong panambitan an ginibo ni Jeremias para ki Josias. Poon kaidto nagin kaugalean na an pag-awit kan panambitan na ini kan parakantang mga lalaki saka mga babae, kun nagmomondo sinda para ki Josias; ginibo ining sarong pagboot sa Israel. An awit na ini makukua sa libro nin mga panambitan.

An Libro ni Job 3:8

Sumpaon logod idto kan mga minasumpa kan aldaw, kan mga nakakapabangon sa Leviatan.

Parahulit 12:5

Matatakot kamo sa halangkaw na mga lugar, asin magigin makatatakot saindo an paglakaw. Magigin puti an saindong buhok asin magigin dipisil saindo maski an paghiro-hiro; dangan mawawara an gabos nindong pagmawot. Kita gabos maduman sa huring lugar na pahingaloan, dangan malibot sa mga tinampo an mga paramondo.

Jeremias 7:29

“Pagmondo kamo, mga taga Jerusalem; putolon nindo an saindong buhok asin tapokan sa harayo. Manambitan kamo sa ibabaw kan kabubuldan, huli ta ako, an Kagurangnan, naaanggot asin isinisikwal ko an sakong banwaan.

Mga Panambitan 2:5

Arog sa sarong kaiwal, rinaot nin Kagurangnan an Israel. Rinaot niya an mga palasyo saka an mga bantayan; an kamondoan asin an panambitan kan mga taga Juda saiya pang dinagdagan.

Ezekiel 27:2

“Aki nin tawo, mag-awit ka nin sarong panambitan para sa Tiro,

Ezekiel 32:16

An patanid na ini magigin sarong awit nin panambitan. Aawiton ini kan kababaehan nin mga nasyon sa pagmondo para sa Egipto asin para sa mga nag-eerok diyan. Ako, an Kagurangnan Dios, an nagtaram.”

Amos 5:1

Banwaan nin Israel, dangoga ining panambitan na aawiton ko saindo:

Mikas 2:4

Pag-abot kan panahon na iyan, gagamiton nin mga tawo an istorya dapit saindo bilang sarong arogan nin kapahamakan, dangan aawiton ninda ining awit nin mayong paglaom dapit sa nangyari saindo: Buminagsak na nanggad kita! Kinua nin Kagurangnan an satong daga Asin itinao sa mga nagbihag sa sato.”

Mateo 9:23

Pag-abot ni Jesus sa harong kan opisyal, nahiling niya an mga matugtog sa pagdapit asin an mga tawong nagririribok.

Markos 5:38

Pag-abot ninda sa harong ni Jairo, nadangog ni Jesus an karibokan kan mga tawo dangan an mga nagtatarangis saka naghaharaya.