Jeremias 9:15 - Marahay na Bareta Biblia

¹⁵ Kaya hinanyoga an gigibohon ko, ako an Kagurangnan nin mga hukbo, an Dios nin Israel: Papakakanon ko nin mapait na tinanom an sakong banwaan asin papainomon ko sinda nin tubig na may hudong.

Jeremias 9:15 ပူးပေါင်းရင်းမြစ်များ

Salmo 60:3

Pinasakitan mo nin makuri an saimong banwaan; pinainom mo kami nin arak kaya kami nagsasayasay.

Salmo 69:21

Hudong an itinao ninda sako bilang kakanon; sa pagkapaha ko, suka an itinao nindang inomon.

Salmo 75:8

Kapot nin Kagurangnan an sarong kalis, pano nin maisog na arak nin saiyang kaanggotan. Iuula niya iyan, asin iinomon kan gabos na tampalasan; iinomon sagkod na maubos.

Salmo 80:5

Pinakakan mo kami kan tinapay nin kamondoan; pinainom mo nin luha sa dakulang lalagan.

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:22

Dai na kamo magsarig sa mga tawo, huli ta ano an makukua nindo saiya?

Jeremias 23:15

“Kaya iyo ini an sinasabi ko, an Kagurangnan nin mga hukbo, manongod sa mga propeta nin Jerusalem: Pakakakanon ko sinda nin mapait na mga tinanom asin paiinomon ko sinda nin hudong, huli ta iwinarak ninda an bakong diosnon na pamumuhay sa bilog na daga.”

Jeremias 24:10

Mapadara ako sainda nin gera, gutom, saka peste sagkod na mayo na nin matada sainda sa daga na itinao ko sainda asin sa saindang mga ginikanan.”

Jeremias 25:15

An Kagurangnan, an Dios nin Israel, nagtaram sako, “Uya an kalis na pano kan sakong kaanggotan. Darahon mo ini sa gabos na nasyon na papadumanan ko saimo saka painomon mo sinda.

Jeremias 44:27

Babantayan ko nanggad na dai kamo mabuhay kundi magadan. Gabos kamo magagadan sa gera o sa peste, sagkod na mayo saindo nin matada.

Jeremias 49:37

Gigibohon kong matakot an mga taga Elam sa saindang mga kaiwal, na boot gumadan sainda. Gagadanon ko an mga taga Elam sa atubangan kan saindang mga kaiwal, na boot gumadan sainda. Gagadanon ko an mga taga Elam huli sa labi-labi kong kaanggotan. Mapadara ako nin mga hukbo laban sainda sagkod na mapara ko sinda.

Jeremias 8:14

“Tadaw ta nagtutukaw kita asin dai naghihiro?” an hapot kan banwaan nin Dios. “Madya, magduruman kita sa pinapusog na mga syudad dangan duman kita magpagadan. Hinukoman na kita nin Kagurangnan na satong Dios tanganing magadan; itinao na niya an tubig na may hudong tanganing inomon nyato huli ta nagkasala kita saiya.

Mga Panambitan 3:15

Mapait na pagtios an itinao niya sakong pagkakan saka inomon.

Mga Panambitan 3:19

An giromdom kan sakong kulog, sakong paglalagalag, sarong mapait na hudong.

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Ezekiel 5:2

An saro sa tolong kabtang suloon mo sa tahaw kan syudad kun tapos na an pagsalakay. An ikaduwang kabtang kan buhok purutolon mo kan saimong espada mantang naglilibot ka sa syudad, dangan an ikatolong kabtang kan buhok iwarak mo tanganing ipadpad kan doros asin lalamagon ko iyan kan sakong espada.

Deuteronomio 28:36

“Kamo asin an saindong hade dadarahon nin Kagurangnan sa sarong dayuhan na daga, na dai pa nindo naaraman ni kan saindong mga ginikanan. Duman malingkod kamo sa mga dios-dios na gibo sa kahoy saka gapo.

Deuteronomio 29:18

Maglikay kamo ta tibaad igwa saindo digdi ngunyan nin lalaki o babae, pamilya o tribu na matalikod sa Kagurangnan na satong Dios, tanganing maglingkod sa mga dios-dios kan ibang nasyon. Nakakaagid ini sa sarong kahoy na nagin mapait asin nakakahudong an bunga.

Kapahayagan 8:11

Kapaitan an ngaran kan bitoon.) An ikatolong kabtang kan tubig nagin mapait, kaya dakul na tawo an nagkagaradan sa pag-inom kaiyan.