Jeremias 9:13 - Marahay na Bareta Biblia

¹³ Nagsimbag an Kagurangnan, “Nangyari ini huli ta tinalikodan kan sakong banwaan an katukdoan na itinao ko sainda. Dai sinda nagkuyog sako ni naggibo kan itinaram ko sainda.

Jeremias 9:13 ပူးပေါင်းရင်းမြစ်များ

2 Mga Cronica 7:19

Alagad kun ika asin an saimong banwaan magtalikod sako asin dai magkuyog kan sakong mga togon saka mga pagboot; kun magsunod kamo, maglingkod asin magsamba sa ibang mga dios,

Esdras 9:10

“Alagad ngunyan, o samuyang Dios, ano an masasabi nyamo pakatapos kaini? Huli ta tinalikodan mi an saimong mga togon,

Salmo 119:53

Kun nahihiling ko an mga tampalasan na naglalapas kan saimong katogonan, napapano ako nin kaanggotan.

Mga Talinhaga 28:4

An tampalasan inoomaw kan mga tawong nagpapabaya kan katogonan, alagad laban sainda an mga tawong nagkukuyog kaiyan.

Jeremias 13:10

An mga maraot na tawong ini habong magkuyog sako. Orog sindang nagmatagas saka orog na nagin maraot. Nagsamba sinda saka naglingkod sa mga dios-dios. Kaya makakaarog sinda sa habay na mayo na nin pakinabang.

Jeremias 22:9

Dangan masirimbag sinda, ‘Huli ta tinalikodan ninda an tipan nin Kagurangnan na saindang Dios, asin sinamba ninda saka pinaglingkodan an ibang mga dios.’”

Jeremias 5:19

Kun sinda maghapot saimo, Jeremias, kun tadaw ta ginibo ko an gabos na ini, sabihan mo sinda na siring na tinalikodan ninda ako dangan naglingkod sa mga dayuhan na mga dios sa sadiri nindang daga, maglilingkod man sinda sa mga dayuhan sa sarong daga na bako nindang sadiri.”

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.