Jeremias 9:11 - Marahay na Bareta Biblia

¹¹ Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Jeremias 9:11 ပူးပေါင်းရင်းမြစ်များ

Nehemias 4:2

Sa atubangan kan saiyang mga kairiba asin kan hukbo nin Samaria, nagsabi siya, “Ano an ginigibo kan mga maluluyang Judiong ini? Boot daw nindang patindogon giraray an syudad? Naghohona daw sinda na kun magdolot sinda nin sakripisyo, matatapos ninda an trabaho sa laog nin saro sanang aldaw? Makakagibo daw sinda nin mga gapo hale sa tambak nin sinulong ragpa?”

Salmo 107:43

Isipon logod kan mga madonong an mga bagay na ini; akoon logod ninda an danay na pagkamoot nin Kagurangnan.

Salmo 44:19

Alagad rinonot mo kami sa tahaw nin mga lalaw na ayam, asin tinahoban kami kan mahibog na kadikloman.

Salmo 79:1

O Dios, an saimong daga linaog kan mga pagano; pinagbasang-basang ninda an banal mong Templo; rinumpag ninda an Jerusalem.

Isaias 13:22

Madadangog sa mga tore saka mga palasyo an kinurahaw kan mga lalaw na ayam. Nag-abot na an oras kan Babilonia! Madali nang matapos an saiyang mga aldaw.”

Isaias 25:2

Ginaraba mo an mga syudad asin rinaot mo an mga pampapusog kaiyan. Mayo na an mga palasyo na itinugdok kan samong mga kaiwal; dai na nanggad iyan hihirahayon.

Isaias 34:13

Mga tonok saka mga binit an matalubo sa gabos na palasyo saka nakukudal na mga banwaan, asin mga lalaw na ayam saka mga kuwaw an mag-eerok diyan.

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Jeremias 1:15

huli ta aapodon ko an gabos na kahadean sa amihan na magdigdi. An mga hade ninda mabugtak kan saindang mga trono sa mga trangkahan nin Jerusalem saka sa palibot kan mga kudal kaini. Siring man an gigibohon ninda sa palibot kan gabos na syudad nin Juda.

Jeremias 10:22

Paghinanyog! Igwang nag-abot na bareta! Igwa nin dakulang karibokan sa sarong nasyon sa amihan; an saindang hukbo iyo an maraot kan mga syudad nin Juda asin ini magigin sarong desyerto, sarong lugar saen pag-eerokan kan mga lalaw na ayam.”

Jeremias 16:10

“Kun sabihan mo sinda kan gabos na ini, hahapoton ka ninda kun tadaw ta nagpahayag ako na padusahan sinda nin magabat. Mahapot sinda kun anong krimen an naginibo ninda asin kun anong kasalan an ginibo ninda tumang sa Kagurangnan na saindang Dios.

Jeremias 25:11

An bilog na dagang ini papabayaan na raot asin magigin sarong tanawon na nakakatakot. Dangan an kataraed na mga nasyon maglilingkod sa hade nin Babilonia sa laog nin setentang taon.

Jeremias 25:18

Pinainom ko sa kalis an Jerusalem, an gabos na banwa nin Juda, asin an mga hade saka an mga lider ninda tanganing magin sinda sarong desyerto, sarong makangingirhat saka makatatakot na tanawon, dangan tanganing an ngaran ninda gamiton kan mga tawo bilang sarong maldisyon—arog kan ginigibo ninda sagkod ngunyan.

Jeremias 26:18

“Kan si Ezekias iyo an hade nin Juda, tinaraman ni Mikas na taga Moreset an gabos na tawo na nagtaram an Kagurangnan nin mga hukbo, ‘An Sion aaradohon arog sa sarong oma; an Jerusalem magigin sarong tambak nin mga raot, asin an bulod na natitindogan kan Templo magigin sarong kadlagan.’

Jeremias 26:9

Tadaw ta nagsabi ka sa ngaran nin Kagurangnan na an Templong ini makakaarog sa Shilo, na raraoton an syudad na ini saka mayo nin mag-eerok digdi?” Dangan pinalibotan ako kan mga tawo.

Jeremias 34:22

Itatao ko an pagboot asin mabalik sinda sa syudad na ini. Sasalakayon ninda ini, sasakopon, saka susuloon. Iaarog ko sa desyerto an mga banwa nin Juda na mayo nin nag-eerok. Ako, an Kagurangnan, an nagtaram.”

Jeremias 4:27

Nagtaram an Kagurangnan na an bilog na daga magigin sarong kalangtadan, alagad dai niya iyan raraoton nanggad.)

Jeremias 44:2

Nagtaram an Kagurangnan nin mga hukbo, an Dios nin Israel, “Nahiling nindo mismo an kasakitan na dinara ko sa Jerusalem asin sa gabos na syudad nin Juda. Sagkod ngunyan raot an mga syudad na iyan saka mayo nin nag-eerok duman

Jeremias 49:33

An Hazor magigin sarong desyerto sagkod lamang, sarong lugar na pag-eerokan nin mga lalaw na ayam. Mayo na nin tawo na mag-eerok duman. Ako, an Kagurangnan, an nagtaram.”

Jeremias 50:3

“Huli ta sarong nasyon hale sa amihan an nagsalakay sa Babilonia asin gigibohon ining sarong desyerto. Madurulag an mga lalaki saka mga hayop; mayo na nin mag-eerok duman.”

Jeremias 51:37

An nasyon na iyan magigin sarong tambak nin mga raot, na pag-eerokan nin mga lalaw na hayop. Siya magigin sarong tanawon na nakakatakot; mayo na nin mag-eerok duman, asin an gabos na makahiling saiya magkakamorongnan.

Jeremias 8:22

Mayo na daw nin mga bolong sa Gilead? Mayo na daw nin mga parabolong duman? Tadaw ta dai naoomayan an sakong banwaan?

Mga Panambitan 1:4

Nagmomondo an mga dalan pasiring sa Sion huli ta mayong minadalaw para sa mga talaan na pyesta; mapungaw an saiyang mga trangkahan, nag-aagrangay an saiyang kapadian; ginuyod sa harayo an saiyang mga daraga, asin siya mismo nagtitios nin kapaitan.

Mga Panambitan 2:2

Mayo nin pagkaherak na rinaot nin Kagurangnan an lambang harong sa Juda; sa kaanggotan rinumpag niya an mga bantayan nin depensa kan daga. Dinarahan niya nin kasosopgan an kahadean asin an mga namamayo kaiyan.

Mga Panambitan 3:47

Inagihan mi na an pagkagaba asin pagkaraot; namumuhay kami sa takot asin pag-alaman.

Levitico 26:32

Raraoton ko nanggad an saindong daga kaya ngangalasan kan saindong mga kaiwal na masakop kaiyan an siring na kamugtakan.

Mikas 1:6

Kaya nagsasabi an Kagurangnan, “Raraoton ko an Samaria sagkod na magin sarong tambak iyan nin daga sa kaomahan, sarong lugar na pagtatanoman nin ubas. An mga gapo kan syudad iuula ko sa kapantayan, asin mahahayag an mga pundasyon kan syudad.

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.

Kapahayagan 18:2

Nagkurahaw siya nin makosog, “Narumpag na, narumpag na an dakulang Babilonia! Ngunyan erokan na siya kan mga demonyo, lugar na tagoan kan mga maating espiritu asin kan gabos na klaseng maati saka nakakaongis na mga gamgam.