Jeremias 9:10 - Marahay na Bareta Biblia

¹⁰ Nagsabi ako, “Magmomondo ako para sa kabukidan asin magtatangis para sa mga pasabsaban, huli ta aralang na sinda, asin mayo na nin nag-aagi sainda. An inungal kan mga hayop dai na nadadangog; an mga gamgam saka mga lalaw na hayop nagdurulag saka nagharale na.”

Jeremias 9:10 ပူးပေါင်းရင်းမြစ်များ

Isaias 41:15

Gigibohon takang siring sa sarong ginikan, na igwang bago saka matarom na mga ngipon. Giginikon mo an kabukidan asin roronoton mo sinda; magigin alpog an kabubuldan.

Isaias 49:19

“Totoong rinaot an saimong daga—alagad iyan magigin sadit na para sa mga tawong nagdadangadang nganing mag-erok diyan. Asin an mga nagraot saimo magigin harayo nin marahay saimo.

Jeremias 12:10

Rinaot kan dakul na pamayong dayuhan an sakong ubasan; tinimaktimakan ninda an sakong mga oma; ginibo nindang desyerto an sakong magayon na daga.

Jeremias 12:11

An daga ginibo nindang sarong kalangtadan; nagmomondo iyan sa sakong atubang. An bilog na daga nagin sarong desyerto asin mayong nagmamakulog na tawo.

Jeremias 12:4

Sagkod nuarin magigin mamara an daga saka magigin alang an mga doot sa kabukidan? Naghihingagdan an mga hayop saka gamgam huli kan karatan kan samong banwaan, banwaan na nagsasabing, ‘Dai nahihiling nin Dios an satong mga ginigibo.’”

Jeremias 14:6

Nagtitindog sa ibabaw kan mga bulod an mga lalaw na asno asin naghahalhal na garo mga lalaw na ayam; nandidiklom na an saindang mga mata huli ta mayo na sinda nin pagkakan.

Jeremias 2:15

Nag-urungal sinda saiya na garo mga leon; ginibo nindang desyerto an saiyang daga, asin rinaot ninda an saiyang mga banwa, kaya mayo na nin nag-erok duman.

Jeremias 2:6

Dai ninda ako nagiromdoman maski ako an nagluwas sainda hale sa Egipto saka nangenot sainda sa kalangtadan: sarong daga nin mga desyerto asin mga kalot, sarong dagang alang saka pano nin pag-alaman, na mayo nin tawong nag-eerok saka nag-aagi.

Jeremias 23:10

An daga pano nin tawo na bakong maimbod sa Kagurangnan; namumuhay sinda sa karatan asin bakong marahay an paggamit ninda kan saindang kapangyarihan. Huli kan maldisyon nin Kagurangnan nagmomondo an daga asin alang na an mga pasabsaban.

Jeremias 50:3

“Huli ta sarong nasyon hale sa amihan an nagsalakay sa Babilonia asin gigibohon ining sarong desyerto. Madurulag an mga lalaki saka mga hayop; mayo na nin mag-eerok duman.”

Jeremias 7:29

“Pagmondo kamo, mga taga Jerusalem; putolon nindo an saindong buhok asin tapokan sa harayo. Manambitan kamo sa ibabaw kan kabubuldan, huli ta ako, an Kagurangnan, naaanggot asin isinisikwal ko an sakong banwaan.

Jeremias 8:18

An sakong kamondoan dai mabobolong, an kulog sa sakong puso sakong namamatean.

Mga Panambitan 1:16

“Huli kaini ako naghihibi; mga mata ko nagbubulos nin luha. Mayo nin minaranga sako; mayo nin pwedeng magpakosog kan boot ko. Nagmomondo an sakong kaakian huli ta nadaog ako kan kaiwal.

Mga Panambitan 2:11

Hubag na an mga mata ko sa kahihibi; napupurisaw an kalag ko. Makuri an kamondoan kan puso ko huli sa pagkagadan kan sakuyang banwaan, huli ta nagkakadirismayo an mga aki saka mga omboy sa mga tinampo kan syudad.

Mga Panambitan 5:18

huli ta an Bukid nin Sion rumpag na asin mayong nag-eerok, saka pinaglakaw-lakawan nin mga lalaw na ayam.

Ezekiel 14:15

“Pwede man na magpadara ako nin mga lalaw na hayop tanganing gadanon an mga tawo. An daga mapapano nin pag-alaman asin mayo na nin makakaagi diyan.

Ezekiel 27:2

“Aki nin tawo, mag-awit ka nin sarong panambitan para sa Tiro,

Ezekiel 29:11

Mayo nang maagi diyan maski tawo o hayop. Sa laog nin kwarentang taon, mayo nin maerok diyan.

Ezekiel 33:28

Gigibohon kong mamondo saka alang an daga, asin matatapos an kapangyarihan na ipinag-oorgulyo ninda. An kabukidan nin Israel magigin makatatakot kaya mayo na nin maagi duman.

Ezekiel 6:6

An gabos na syudad nin Israel marurumpag, tanganing an gabos nindang altar saka mga dios-dios magkaroronot, an saindang mga altar nin insenso magkararaot asin mapapara an gabos nindang ginibo.

Oseas 4:3

Kaya maaalang an daga, asin magagadan an gabos na nabubuhay diyan. Magagadan man an gabos na hayop, gamgam saka sira.”

Joel 1:13

Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Joel 1:19

Ako minaagrangay sa saimo Kagurangnan, huli ta nagkakaaralang an mga kahoy saka mga pasabsaban, na garo man sana sinurulo.

Amos 5:1

Banwaan nin Israel, dangoga ining panambitan na aawiton ko saindo:

Amos 5:16

Kaya an Kagurangnan, an Dios nin mga hukbo, nagtataram, “Magkakaigwa nin pagtangis asin panambitan sa mga tinampo. Maski an mga paraoma aapodon tanganing magtangis para sa nagadan kaiba kan mga tinandanan na paratangis.

Mikas 2:4

Pag-abot kan panahon na iyan, gagamiton nin mga tawo an istorya dapit saindo bilang sarong arogan nin kapahamakan, dangan aawiton ninda ining awit nin mayong paglaom dapit sa nangyari saindo: Buminagsak na nanggad kita! Kinua nin Kagurangnan an satong daga Asin itinao sa mga nagbihag sa sato.”

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.