Jeremias 8:22 - Marahay na Bareta Biblia

²² Mayo na daw nin mga bolong sa Gilead? Mayo na daw nin mga parabolong duman? Tadaw ta dai naoomayan an sakong banwaan?

Jeremias 8:22 ပူးပေါင်းရင်းမြစ်များ

Genesis 37:25

Mantang nagkakakan sinda, nahiling ninda an grupo nin Ismaelita na hale sa Gilead asin mapaduman sa Egipto. An saindang mga kamelyo kargado nin mga pahamot, balsamo, saka mira.

Genesis 43:11

Nagsabi si Jacob sainda, “Kun siring an dapat na mangyari, giboha nindo ini: magdara kamo kan pinakamarahay na mga bunga kan daga bilang regalo sa gobernador: dikit na balsamo, dikit na dugos, mga pahamot asin mira, rekado saka almendras.

Jeremias 14:19

Kagurangnan, isinikwal mo na daw nanggad an Juda? Kinakaongisan mo na daw an mga tawo sa Sion? Tadaw ta kinulogan mo kami nin marahay, kaya dai na kami maoomayan? Naghanap kami nin katoninongan, alagad mayo nin nag-abot na karahayan; naglaom kami na maomayan, alagad an nag-abot katakotan.

Jeremias 22:6

“Para sako, an palasyo nin Juda arog kagayon kan daga nin Gilead asin kan Bukid nin Lebanon; alagad gigibohon ko iyan na sarong mamondong lugar na mayo nin nag-eerok.

Jeremias 46:11

Mga taga Egipto, dumuman kamo sa Gilead saka maghanap duman nin pambolong! Mayo nin halaga an kadakul bolong; mayo na nin pampaomay saimo.

Jeremias 51:8

Bigla an pagbagsak saka pagraot sa Babilonia! Magmondo kamo para saiya! Magkua kamo nin bolong para sa saiyang mga lugad, ta tibaad maomayan siya.

Jeremias 6:7

Siring na an bubon dai nag-oontok sa pagtao nin preskong tubig, an Jerusalem dai man nag-oontok sa paggibo nin karatan. Kadahasan asin pagkaraot an nadadangog ko sa laog kan syudad; gabos na sanang helang saka lugad an sakong nahihiling.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Jeremias 9:11

Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Mga Panambitan 2:13

O Jerusalem, ano an masasabi ko para saimo? Saen taka ikakabaing, tanganing ika sakuyang maranga? An pagkarumpag mo arog kahiwas kan kadagatan; siisay an makakahirahay saimo?

Ezekiel 27:17

Nakipagnegosyo saimo an Juda saka an Israel. An mga produkto mo rinibayan ninda nin trigo, dugos, lana nin oliba, saka mga pahamot.

Mga Bilang 32:1

Dakul nin marahay an ataman na mga hayop kan tribu ni Ruben asin ni Gad. Kan mahiling ninda kun gurano karahay para sa mga baka an daga nin Jazer asin nin Gilead,

Lukas 8:43

Kaiba sa mga nagsusurosoan an sarong babae na doseng taon nang pinag-aawasan nin dugo. (Naubos na an gabos niyang pagsadiri sa mga doktor alagad dai nin nakakabolong saiya.)