Jeremias 8:21 - Marahay na Bareta Biblia

²¹ Garo maronot an sakong puso huli ta ronot na an sakong banwaan! Nagmomondo ako; nanluluya nanggad an sakong boot.

Jeremias 8:21 ပူးပေါင်းရင်းမြစ်များ

Nehemias 2:3

nagsimbag, “Mabuhay logod sagkod lamang an mahal na emperador! Tadaw ta dai ako magmondo mantang rumpag an syudad na pinaglubongan kan sakong mga ginikanan, asin nasulo an mga trangkahan kaiyan?”

Jeremias 14:17

Pinagbotan ako nin Kagurangnan na itaram ko sa banwaan an manongod sa sakong kamondoan asin magsabi: “Magbulos logod an mga luha sa sakong mga mata aldaw banggi; dai logod ako mag-ontok sa pagtangis, huli ta hararom an lugad kan sakong banwaan asin an kulog na saiyang namamatean makuring marahay.

Jeremias 14:2

“Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 17:16

Alagad, Kagurangnan, dai ko hinagad saimo na padarahan mo sinda nin kasakitan. Dai ako nagmamawot nin panahon nin kahorasaan para sainda. Kagurangnan, naaaraman mo ini; naaaraman mo an sinabi ko.

Jeremias 4:19

Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Jeremias 8:20

Nagkurahaw an banwaan, “Nag-agi na an tig-init, tapos na man an tig-ani, alagad dai kami ikinaligtas.”

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Mga Panambitan 3:1

Ako an tawo na nakakaaram kun ano an mapadusahan nin Dios.

Joel 2:6

Sa atubang ninda, nagkakatarakot an mga tawo; nanlolongsi an lambang saro.

Nahum 2:10

An Nineve raot na, binayaan na nin tawo, asin mamondo! Nanluluya na sa takot an mga puso; nagtatakig an mga tuhod, mayo na an kosog; nanlolongsi an mga lalawogon.

Lukas 19:41

Kan harani na si Jesus sa syudad, asin natatanaw na niya ini, tinangisan niya an syudad.