Jeremias 8:16 - Marahay na Bareta Biblia

¹⁶ An satong mga kaiwal yaon na sa syudad nin Dan; madadangog hale duman an sinogrot kan saindang mga kabayo. Sa hinirihiri kan saindang mga kabayo, nagtatakig an bilog na daga. Huli ta nag-abot na an mga kaiwal na maraot kan satong daga, na magaba kan satong syudad asin magadan kan mga nag-eerok diyan.”

Jeremias 8:16 ပူးပေါင်းရင်းမြစ်များ

An Libro ni Job 39:20

Ika daw an nagpapalukso saiya siring sa doron? Nakakatakot an pinugrot kan saiyang ngoso.

Salmo 24:1

Sadiri nin Kagurangnan an kinaban asin an kapanoan kaiyan, an daga saka an gabos na nag-eerok diyan;

Jeremias 10:25

Iula mo an labi-labi mong kaanggotan sa mga nasyon na dai nagmimidbid saimo, asin sa mga tawo na dai nag-aapod kan saimong ngaran. Ginadan ninda an saimong banwaan; rinonot nanggad ninda kami asin binayaan nindang raot an samong daga.

Jeremias 3:24

Alagad an pagsamba nyamo ki Baal, an dios nin kasosopgan, iyo an nagin dahelan kan pagkaubos kan samong mga hayop, mga aking lalaki saka babae, patin kan gabos na pinagalan kan samong mga ginikanan.

Jeremias 30:16

Alagad ngunyan, hahalonon an gabos na naghahalon saindo, asin an gabos nindong kaiwal dadarahon bilang mga bihag. An gabos na nag-aapi saindo aapihon asin an gabos na nananamsam saindo sasamsaman.

Jeremias 30:5

“Nadangog ko an kurahaw nin pagkataranta, an kurahaw nin pagkatakot asin bakong katoninongan.

Jeremias 4:24

Hiniling ko an kabukidan—nagkokonogkonog an mga ini, asin an gabos na kabubuldan garong naglilinog.

Jeremias 4:7

Arog sa sarong leon na nagluluwas sa saiyang tagoan, nagluluwas an sarong pararaot nin mga nasyon. Nagdadangadang na siya tanganing raoton an Juda. An mga syudad nin Juda raraoton asin mayo na nin mag-eerok diyan.

Jeremias 47:3

Madadangog ninda an tanog kan nagdadalagan na mga kabayo, an kinadalkadal kan mga karwahe, an rinagot kan mga rweda. Dai na babalikan kan mga ama an saindang mga aki; luluyahon an saindang mga kamot.

Jeremias 5:17

Uuboson ninda an mga inani asin pagkakan nindo. Gagadanon ninda an saindong mga aki. Uuboson ninda an saindong mga karnero saka mga baka, dangan raraoton an saindong mga ubasan saka mga kahoy na higera. An mga pinapusog na syudad na sinasarigan nindo rurumpagon kan saindang mga soldados.

Jeremias 50:42

May dara sindang mga pana saka mga espada; mga makuri sinda asin mayo nin pagkaherak. Garo sinda dagat na naghahagubohob mantang nagpapadalagan kan saindang mga kabayo. Andam sinda sa pakigera laban sa Babilonia.

Jeremias 51:29

Nagtatakig saka namimiripit sa kulog an daga, huli ta dai nagbabago an katuyohan nin Kagurangnan laban sa Babilonia, na gibohon ining sarong desyerto, saen mayo na nin mag-eerok.

Jeremias 6:23

Kapot na ninda an saindang mga pana saka mga espada; mga maringis sinda saka mayo nin pagkaherak. An saindang ribok kun sinda naglulunad sa mga kabayo garo an naghahagubohob na dagat. Nakaandam na sinda para sa gera laban sa Jerusalem.”

Nahum 3:2

Dangoga! An lagapak kan pamakol, an karatongkatong nin mga rweda, an paradagpadag nin mga kabayo, an ribok nin mga karwahe!

Habakkuk 3:10

Kan mahiling ka kan kabukidan, tinakigan sinda; nagbulos an tubig hale sa kalangitan. Naghagubohob an katubigan sa irarom kan daga, asin nag-orolanto an saindang mga alon.

1 Corinto 10:26

Huli ta nasasabi sa kasuratan, “An kinaban asin an gabos na yaon diyan sadiri nin Kagurangnan.”

1 Corinto 10:28

Alagad kun may magsabi saindo, “An kakanon na ini inatang sa mga dios-dios,” dai na kamo magkakan kaiyan tanganing dai maraot an boot kan nagsabi saindo asin tanganing dai mapurisaw an konsyensya—

Hukom 18:29

Embes na Lais, an lugar nginaranan nindang Dan, sunod sa ngaran kan saindang ginikanan na si Dan, na aki ni Jacob.

Hukom 20:1

Nagtiripon sa Mizpa sa atubang nin Kagurangnan an gabos na Israelita magpoon sa Dan sagkod sa Beer-sheba, sagkod kan mga taga Gilead.

Hukom 5:22

Dangan nag-abot an mga kabayong nagdadalagan; an umpag kan saindang mga bitis minatanyog kan kadagaan.