Jeremias 8:15 - Marahay na Bareta Biblia

¹⁵ Naghanap kita nin katoninongan, alagad mayo nin nangyari, asin nin aldaw nin pagpaomay, alagad an nag-abot katakotan.

Jeremias 8:15 ပူးပေါင်းရင်းမြစ်များ

An Libro ni Job 30:26

Alagad kan maghanap ako kan marahay, nagdatong an karatan; asin kan maghalat ako kan liwanag nag-abot an kadikloman.

Jeremias 12:12

Hale sa gabos na kalangkawan nin desyerto nag-abot an mga lalaking mananamsam. Nagpadara ako nin gera tanganing raoton an bilog na daga; mayong makakapamuhay na matoninong.

Jeremias 14:19

Kagurangnan, isinikwal mo na daw nanggad an Juda? Kinakaongisan mo na daw an mga tawo sa Sion? Tadaw ta kinulogan mo kami nin marahay, kaya dai na kami maoomayan? Naghanap kami nin katoninongan, alagad mayo nin nag-abot na karahayan; naglaom kami na maomayan, alagad an nag-abot katakotan.

Jeremias 4:10

Dangan nagsabi ako, “Kagurangnan Dios, totoong dinaya mo an mga taga Jerusalem! Sinabi mo na magkakaigwa nin katoninongan, alagad sarong espada an nakabingat sa saindang mga halonan.”

Jeremias 6:25

Dai na kami nangangahas na magduman sa kaomahan ni maglakaw sa mga tinampo, huli ta armado an samong mga kaiwal asin an katakotan nakapalibot samo.”

Jeremias 8:11

Para sainda, an mga lugad kan sakong banwaan mga kamros sana. Minasabi sinda na igwa nin katoninongan maski mayo man nin katoninongan.

Ezekiel 7:25

Pag-abot kan kasakitan, mahanap sinda nin katoninongan alagad dai nanggad ninda iyan makukua.

Mikas 1:12

An mga taga Marot may kahandalan na naghahalat nin tabang, huli ta an Kagurangnan nagdara nin kapahamakan sagkod sa trangkahan nin Jerusalem.

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.