Jeremias 8:1 - Marahay na Bareta Biblia

¹ “Sa panahon na iyan, an mga tolang kan mga hade saka mga opisyal nin Juda, an mga tolang kan mga padi asin kan mga propeta, patin kan mga tawong nag-erok sa Jerusalem, hahaleon sa saindang mga lulubngan.

Jeremias 8:1 ပူးပေါင်းရင်းမြစ်များ

1 Mga Hade 13:2

Dangan sa pagkuyog kan kabotan nin Kagurangnan, nagkurahaw an propeta laban sa altar: “O altar, iyo ini an itinataram nin Kagurangnan: ‘Sarong aking lalaki, na Josias an magigin ngaran, an mamumundag sa pamilya ni David. Isasakripisyo niya sa ibabaw mo an mga padi na naglilingkod sa paganong mga altar na nagdodolot nin mga sakripisyo sa ibabaw mo; tututongon niya sa ibabaw mo an mga tolang nin tawo.’”

2 Mga Hade 23:16

Dangan nangalag-kalag si Josias asin nahiling niya an nagkapirang lulubngan sa bulod; ipinakalot niya an mga tolang asin ipinatutong sa altar. Sa paaging ini binasang-basang niya an altar, sosog sa itinaram nin Kagurangnan sa paagi kan saiyang propeta. Nakahiling pa si Josias nin sarong lulubngan,

2 Mga Hade 23:20

Ipinagadan niya an paganong mga padi sa ibabaw kan mga altar na pinaglingkodan ninda. Dangan nagtutong siya nin mga tolang nin tawo sa lambang altar. Pakatapos, nagbalik siya sa Jerusalem.

2 Mga Hade 9:37

An saiyang bangkay mawawarak duman na garo odo, tanganing mayo nin makamidbid saiya.’”

Salmo 53:5

Alagad aabotan sinda nin dakulang takot, na kaidto dai pa lamang nangyari; huli ta iwawarak nin Dios an mga tolang kan mga kaiwal nin saiyang banwaan. Magkakasoropog sinda huli ta isinikwal sinda nin Kagurangnan.

Jeremias 14:16

An mga tawong pinagsabihan ninda kan mga bagay na ini magagadan man sa gera saka sa gutom. Itatapok sa mga tinampo nin Jerusalem an saindang mga bangkay asin mayo nin malubong sa sainda. Ini an mangyayari sainda gabos—pati sa saindang mga agom, saka mga aking lalaki asin babae. Papabayadon ko sinda kan saindang mga karatan.”

Ezekiel 37:1

Namatean ko an mapangyaring presensya nin Kagurangnan, asin dinara ako kan saiyang espiritu dangan ibinugtak sa sarong kapantayan na pano nin mga tolang.

Ezekiel 6:4

An saindang mga altar rurumpagon ko asin an saindang mga altar nin insenso paparasaon ko. An gabos na tawo duman gagadanon ko sa atubang kan saindang mga dios-dios.

Ezekiel 6:5

Iwawarak ko an mga bangkay kan mga taga Israel; iwawarak ko an saindang mga tolang sa palibot kan saindang mga altar.

Amos 2:1

Nagtataram an Kagurangnan, “Paulit-ulit na nagkasala an mga taga Moab, asin huli kaiyan, papadusahan ko sinda. Dai ninda ginalangan an mga tolang kan hade nin Edom kan tutongon ninda iyan.