Jeremias 7:32 - Marahay na Bareta Biblia

³² Kaya maabot an panahon na an lugar na iyan dai na aapodon na Tofet o Kapantayan nin Hinnom, kundi Kapantayan na Pinaggagadanan. Duman ninda ilulubong an mga tawo huli ta mayo na nin ibang paglulubongan sainda.

Jeremias 7:32 ပူးပေါင်းရင်းမြစ်များ

2 Mga Hade 23:10

Binasang-basang ni Hadeng Josias an Tofet, an paganong lugar na pagsasambahan sa Kapantayan nin Hinnom, tanganing mayo na nin magsakripisyo kan saindang aking lalaki o aking babae bilang dolot ki Molek.

Jeremias 19:11

asin sabihan sinda na nagtaram an Kagurangnan nin mga hukbo, “Papasaon ko an mga tawo saka an syudad na ini, asin makakaarog sinda sa pasang tapayan na ini na dai na mabibilog giraray. An mga gadan ilulubong maski sa Tofet huli ta mayo na nin ibang lugar na pwedeng paglubongan sinda.

Jeremias 19:13

Magigin maati arog kan Tofet an mga harong sa Jerusalem, an mga harong kan mga hade sa Juda asin an gabos na harong, huli ta an bubong kan mga ini ginagamit ninda sa pagtutong nin insenso para sa mga bitoon asin sa pag-ula nin arak bilang dolot na inomon sa ibang mga dios.”

Jeremias 19:2

dangan ipag-iba sinda sa Kapantayan nin Hinnom, pakaluwas sa Trangkahan kan Paragibo nin Koron. Ipapahayag ko duman an mensahe na itatao niya sako.

Jeremias 19:6

Kaya maabot an panahon na dai na aapodon Tofet o Kapantayan nin Hinnom an lugar na ini. Embes kaiyan, aapodon ining Kapantayan na Pinaggagadanan.

Jeremias 31:40

Magigin banal sako an bilog na kapantayan na pinaglulubongan kan mga gadan saka pinagtatapokan kan mga ati, asin an gabos na oma sa itaas kan Sapa nin Kidron sagkod sa Trangkahan nin Kabayo sa parteng sirangan. Dai na nanggad magagaba o masasakop nin siisay man an syudad na ini.”

Jeremias 7:31

Sa Kapantayan nin Hinnom guminibo sinda nin altar na inapod Tofet, tanganing tutongon duman an saindang mga aking lalaki asin mga aking babae bilang sakripisyo. Dai ko ipinagboot sainda na gibohon ini—dai ngani ini naglaog sa sakong isip.

Ezekiel 6:4

An saindang mga altar rurumpagon ko asin an saindang mga altar nin insenso paparasaon ko. An gabos na tawo duman gagadanon ko sa atubang kan saindang mga dios-dios.

Levitico 26:30

Raraoton ko an mga lugar na saindong pinagsasambahan sa kabubuldan, gagabaon ko an mga altar nin insenso, dangan itatapok ko an saindong mga bangkay sa ibabaw kan tumba nindong mga dios-dios. Sa kaanggotan,