Jeremias 7:27 - Marahay na Bareta Biblia

²⁷ “Kaya, Jeremias, sasabihon mo an gabos na tataramon na ini sa sakong banwaan, alagad dai sinda mahinanyog saimo. Aapodon mo sinda alagad dai sinda masimbag.

Jeremias 7:27 ပူးပေါင်းရင်းမြစ်များ

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 65:12

Magigin palad nindo an magadan sa madahas na paagi, huli ta dai kamo nagsimbag kan apodon ko kamo, ni nagdangog kan ako magtaram. Pinili nindong isikwal ako asin naggibo kamo nin maraot.

Jeremias 1:7

Alagad tinaraman ako nin Kagurangnan, “Dai mo pagsabihon na aki ka pa, kundi magduman ka sa mga tawo na pinapadumanan ko saimo, dangan itaram mo sainda an gabos na pagboot ko.

Jeremias 26:2

tinaraman ako nin Kagurangnan, “Tumindog ka sa patyo kan Templo saka ipahayag mo an gabos na tataramon na ipinagboot kong sabihon mo sa mga tawong hale pa sa mga banwa nin Juda na nagduruman sa Templo tanganing magsamba. Dai mo pagpakulangan maski sarong tataramon.

Zacarias 7:13

Huli ta dai sinda nagdangog kan magtaram ako, dai man ako nagsimbag kan mamibi sinda.

Mga Gibo 20:27

Huli ta ibinareta ko saindo an bilog na katuyohan nin Dios; mayo akong itinago saindo.