Jeremias 7:22 - Marahay na Bareta Biblia

²² Kan iluwas ko sa Egipto an saindong mga ginikanan, dai ko ipinagboot sainda an manongod sa mga tinutong na atang o iba pang mga sakripisyo.

Jeremias 7:22 ပူးပေါင်းရင်းမြစ်များ

Salmo 40:6

Mga sakripisyo saka atang dai mo minamawot; alagad ako tinatawan mo nin pakadangog. Dai mo hinahagad an tinutong na atang, ni an dolot para sa kasalan.

Jeremias 32:30

Magpoon sa kapinonan pinauyam na ako saka pinaanggot kan mga taga Israel asin taga Juda huli kan saindang mga gibo.

Oseas 6:6

Mawot ko an danay nindong pagkamoot, bakong an isinasakripisyo nindong mga hayop. Mas boot ko pang mamidbidan ako kan sakong banwaan ki sa magtutong sinda nin mga atang para sako.

Mateo 9:13

Isip-isipa daw nindo kun ano an kahulogan kaini, ‘Pagkaherak an mawot ko, bakong atang.’ Dai ako nagdigdi sa pag-apod kan mga banal kundi kan mga parakasala.”

Markos 12:33

Kaipuhan kamotan kan tawo an Dios sa bilog niyang puso, bilog niyang isip asin kosog; kaipuhan kamotan niya an saiyang kapwa arog kan pagkamoot niya sa saiya man sana. An duwang togon na ini mas mahalaga ki kan arin man na dolot asin mga tinutong na atang.”

Deuteronomio 17:3

sa pagsamba asin paglingkod sa ibang mga dios o sa pagsamba sa aldaw, sa bulan o sa mga bitoon, na tumang sa pagboot nin Kagurangnan.

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.