Jeremias 7:21 - Marahay na Bareta Biblia

²¹ “Banwaan ko, an ibang sakripisyo tinututong nindo sa altar, asin an iba itinutugot na kakanon nindo. Alagad ako, an Kagurangnan, nagsasabi na kakanon na sana nindo an gabos.

Jeremias 7:21 ပူးပေါင်းရင်းမြစ်များ

Salmo 50:8

Dai taka tinutuyaw huli kan saimong mga sakripisyo, asin mga tinutong na atang na danay mong dinadara sako.

Isaias 43:23

Dai ka nagdara sako kan saimong karnero para sa tinutong na atang; dai mo ako inomaw kan saimong mga sakripisyo. Dai taka pinagabatan huli sa mga dolot ni pinagal huli sa paghagad nin insenso.

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Jeremias 6:20

Mayong halaga sako an insensong hale sa Sheba, ni an mga pahamot na hale pa sa harayong lugar na dinadara ninda sako. Dai ko maaako an saindang mga tinutong na atang asin dai ako mawiwili sa saindang mga sakripisyo.

Ezekiel 33:25

“Kaya sabihan mo sinda na ini an itinataram ko, an Kagurangnan Dios: Nagkakakan kamo nin karne na igwa pa nin dugo. Nagsasamba kamo sa mga dios-dios, saka nanggagadan. Papaano nindo naiisip na sadiri nindo an daga?

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Deuteronomio 12:27

Idolot nindo duman sa altar nin Kagurangnan na saindong Dios an saindong mga tinutong na atang, sagkod an iba pang mga sakripisyo na an karne saindong kakakanon asin an dugo saindong iuula sa ibabaw kan altar.