Jeremias 7:15 - Marahay na Bareta Biblia

¹⁵ Papahaleon ko kamo sa atubangan ko arog kan pagpahale ko sa saindong mga kadugo, an banwaan nin Israel. Ako, an Kagurangnan, an nagtaram.”

Jeremias 7:15 ပူးပေါင်းရင်းမြစ်များ

2 Mga Hade 17:23

sagkod na pinara sinda nin Kagurangnan sa saiyang panhiling, siring kan saiyang itinaram sa paagi kan gabos niyang propeta na saiyang mga sorogoon. Kaya itinapok an Israel sa Asiria, saen nag-eerok sinda sagkod ngunyan.

2 Mga Hade 24:20

An Kagurangnan naanggot sa mga taga Jerusalem saka sa mga taga Juda, kaya isinikwal niya sinda.

2 Mga Cronica 15:9

Dakul na taga Efraim, Manases saka Simeon an nag-apil ki Asa dangan nag-erok sa saiyang kahadean, huli ta nahiling ninda na kaiba niya an Kagurangnan. Tinipon sinda ni Asa, kaiba an mga taga Juda saka Benjamin.

Salmo 51:11

Hare ako pagsikwalan sa atubangan mo; hare paghalea sako an banal mong Espiritu.

Isaias 7:16

Alagad bago dumatong an panahon na iyan, mayo nang mag-eerok sa daga kan duwang hade na kinatatakotan mo.

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 23:33

Tinaraman ako nin Kagurangnan, “Jeremias, kun saro sa sakong banwaan o sarong propeta, o sarong padi an maghapot saimo, ‘Ano an mensahe nin Kagurangnan?’ Sabihan mo siya, ‘Saro kang pasanon nin Kagurangnan, asin isisikwal ka niya.’

Jeremias 23:39

pupuroton ko nanggad sinda saka itatapok sa harayo, sinda asin an syudad na itinao ko sainda saka sa saindang mga ginikanan.

Jeremias 3:8

Nahiling man kan Juda na sinuhayan ko saka pinahale an Israel huli kan saiyang pagigin bakong maimbod saka pagigin maraot. Alagad dai natakot an Juda, an bakong maimbod na tugang kan Israel. Siya man nagin maraot na babae.

Jeremias 52:3

An Kagurangnan naanggot sa Jerusalem saka sa Juda kaya isinikwal niya sinda. Nagrebelde si Zedekias ki Hadeng Nebukadnezzar nin Babilonia,

Jeremias 9:19

Hinanyoga an tingog nin pagtangis sa Sion: “Raot na kita! Hinalean na nanggad kita nin onra! Dapat kitang maghale sa satong daga; huli ta ginaraba na an satong mga harong.”

Ezekiel 23:31

Nagsunod ka sa mga lakad kan saimong tugang, kaya ipapainom ko saimo an parehong kalis nin padusa.”

Ezekiel 33:25

“Kaya sabihan mo sinda na ini an itinataram ko, an Kagurangnan Dios: Nagkakakan kamo nin karne na igwa pa nin dugo. Nagsasamba kamo sa mga dios-dios, saka nanggagadan. Papaano nindo naiisip na sadiri nindo an daga?

Oseas 1:4

sinabihan nin Kagurangnan si Oseas, “Ngaranan mo siyang ‘Jezreel,’ huli ta dai na mahahaloy, papadusahan ko an hade nin Israel huli kan mga panggagadan na ginibo kan ginikanan niyang si Jehu sa Jezreel. Tataposon ko na an paghahade kan pamilya ni Jehu.

Oseas 12:1

An gabos na ginigibo kan banwaan nin Israel poon sa pagkaaga sagkod sa pagkabanggi, mayong halaga asin nakakaraot. An lambang saro sainda orog na nagigin mapasaluib asin madahas; nakikipagtipan sinda sa Asiria asin nakikipagnegosyo sa Egipto.”

Oseas 13:16

Kaipuhan na padusahan an Samaria huli ta nagrebelde iyan sako. Magagadan sa gera an saiyang mga namamanwaan; roronoton sa daga an saiyang mga omboy asin lalaslason an mga tulak kan mga bados na babae.”

Oseas 7:13

“Herak man sainda, huli ta tinalikodan ninda ako asin nagrebelde sinda sako! Magkakagaradan sinda! Boot ko kutanang iligtas sinda, alagad bakong totoo an pagsamba ninda sako.

Oseas 9:13

Kagurangnan, nahihiling kong pinaghahanap an saindang mga aki dangan ginagadan.

Oseas 9:3

Dai magdadanay an banwaan nin Israel sa daga nin Kagurangnan, kundi mapipiritan na magbalik sa Egipto asin magkakan kan ipinangalad na kakanon sa Asiria.

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Jonas 2:4

Nagsaboot ako na pinahale mo na ako sa atubang mo asin dai ko na nanggad mahihiling an banal mong Templo.