Jeremias 7:14 - Marahay na Bareta Biblia

¹⁴ Kaya an ginibo ko sa Shilo gigibohon ko man sa Templo kong ini, na sinasarigan nindo. Digdi sa lugar na ini na itinao ko saindo asin sa mga ginikanan nindo, gigibohon ko an parehong ginibo ko sa Shilo.

Jeremias 7:14 ပူးပေါင်းရင်းမြစ်များ

2 Mga Hade 25:9

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

2 Mga Cronica 7:21

“An Templong ini inoomaw ngunyan alagad sa panahon na iyan, an lambang maagi sa harani kaini mangalas asin mahapot, ‘Tano ta siring an ginibo nin Kagurangnan sa dagang ini asin sa Templong ini?’

Salmo 78:60

Binayaan niya an saiyang tolda sa Shilo, an tolda na saiyang pinag-erokan kaiba kan mga tawo.

Isaias 64:11

asin an samong Templo, an sagrado saka magayon na lugar saen inomaw ka kan samong ginikanan, naraot huli kan kalayo. An mga lugar na samong namomotan gabos nagkararaot.

Jeremias 12:7

An Kagurangnan nagsasabi, “Binayaan ko an Israel; isinikwal ko an pinili kong nasyon. An mga tawong sakong namomotan itinao ko sa saindang mga kaiwal.

Jeremias 23:39

pupuroton ko nanggad sinda saka itatapok sa harayo, sinda asin an syudad na itinao ko sainda saka sa saindang mga ginikanan.

Jeremias 26:18

“Kan si Ezekias iyo an hade nin Juda, tinaraman ni Mikas na taga Moreset an gabos na tawo na nagtaram an Kagurangnan nin mga hukbo, ‘An Sion aaradohon arog sa sarong oma; an Jerusalem magigin sarong tambak nin mga raot, asin an bulod na natitindogan kan Templo magigin sarong kadlagan.’

Jeremias 26:4

Tinaraman ako nin Kagurangnan na isabi sa mga tawo an siring, “Ako, an Kagurangnan, nagtaram na dapat kamong magkuyog sako sa paagi nin pag-otob kan katukdoan na itinao ko saindo,

Jeremias 7:10

Ginigibo nindo an mga bagay na ini na kinakaongisan ko, dangan minadigdi kamo saka minatindog sa atubangan ko, sa laog kan sakong Templo, dangan minasabi kamo, ‘Ligtas kami!’

Jeremias 7:12

Dumuman kamo sa Shilo, an lugar na enot kong pinili tanganing duman ako nindo sambahon, asin hilingon nindo an ginibo ko sa lugar na idto huli kan mga kasalan kan sakong banwaan na Israel.

Jeremias 7:4

Dai kamo magtubod sa mga madayang tataramon na ini: ‘Ligtas kami digdi! Ini an Templo nin Kagurangnan, an Templo nin Kagurangnan, an Templo nin Kagurangnan!’

Mga Panambitan 2:7

Isinikwal nin Kagurangnan an saiyang altar asin binayaan an saiyang banal na Templo. An mga kudal kaini itinugot niyang rumpagon kan mga kaiwal, na nagkurahaw sa kapangganahan sa lugar na pinagsambahan mi kaidto.

Mga Panambitan 4:1

Nag-itom na nin marahay an dating nagkikinang na bulawan! An mga gapo kan Templo nagkawararak na sa mga tinampo.

Ezekiel 23:31

Nagsunod ka sa mga lakad kan saimong tugang, kaya ipapainom ko saimo an parehong kalis nin padusa.”

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 28:52

Sasalakayon ninda an gabos na banwa na itatao saindo nin Kagurangnan na saindong Dios, sagkod na magkagaraba an haralangkaw asin makokosog na kudal na saindong sinasarigan.