Jeremias 6:7 - Marahay na Bareta Biblia

⁷ Siring na an bubon dai nag-oontok sa pagtao nin preskong tubig, an Jerusalem dai man nag-oontok sa paggibo nin karatan. Kadahasan asin pagkaraot an nadadangog ko sa laog kan syudad; gabos na sanang helang saka lugad an sakong nahihiling.

Jeremias 6:7 ပူးပေါင်းရင်းမြစ်များ

Mga Talinhaga 4:23

Ingatan mo an saimong kaisipan, huli ta minabulos hale diyan an mga burabod nin buhay.

Isaias 1:6

Magpoon sa bitis sagkod sa payo, mayo nin kaginhawahan, kundi mga bakros saka mga gatok asin nagdudugong mga lugad; dai nagkahurugasan o nabugkosan, o nalahidan nin lana.

Isaias 57:20

Alagad an mga maraot nakakaagid sa dagat na parating maalon, na dai nagkakalma, asin an saiyang tubig nagdadara nin laboy saka ati.

Isaias 59:6

An hinabol nindong gubing hale sa lapat dai man nindo ikakasulot. An saindong mga gibo magbubunga nin karibokan asin kapahamakan.

Jeremias 20:8

Kun ako minataram, kaipuhan kosogon ko an sakong tingog saka kumurahaw, “Kadahasan! Pagkagaba!” Kagurangnan, tinutuyatuya ako asin dinudusta sa gabos na panahon huli ta ipinapahayag ko an saimong tataramon.

Jeremias 30:12

An Kagurangnan nagtataram sa saiyang banwaan, Dai mabobolong an saindong kulog, saka hararom an saindong lugad.

Jeremias 30:13

Mayo nin mag-aataman saindo, mayo na nin bolong para sa saindong lugad mayo na nin paglaom na maomayan pa kamo.

Jeremias 30:15

Tadaw ta nag-aagrangay kamo manongod kan saindong kulog? Dai na mabobolong iyan. Pinadusahan ko kamo nin siring kaini huli ta dakula an saindong karatan asin kadakul kan saindong ginibong kasalan.

Jeremias 32:31

Pinaanggot ako nin labi-labi kan mga tawo sa syudad na ini magpoon kan ini itinugdok. Raraoton ko ini

Jeremias 8:22

Mayo na daw nin mga bolong sa Gilead? Mayo na daw nin mga parabolong duman? Tadaw ta dai naoomayan an sakong banwaan?

Ezekiel 21:29

Bakong totoo an mga bisyon na nahihiling nindo, asin kaputikan an mga ipinapahayag nindo. Tampalasan saka maraot kamo; nagdadangadang na an saindong aldaw, an aldaw kan huring pagpadusa saindo. Mahugpa sa saindong mga liog an espada.

Ezekiel 24:7

Igwa nin panggagadan sa syudad, alagad pinabulos an dugo bako sa daga tanganing matambonan kan alpog, kundi sa nahihiling na gapo.

Ezekiel 45:9

Nagtaram an Kagurangnan Dios, “Nagkasala kamo sa haloy nang panahon, mga pamayo nin Israel! Ontoka nindo an kadahasan asin an pang-aapi. Giboha nindo an matanos asin tama. Dai na nanggad nindo pagpahaleon sa saindang daga an sakuyang banwaan. Ako, an Kagurangnan Dios, an nagtataram saindo kaini.

Ezekiel 7:11

An kadahasan nagbubunga nin orog na katampalasanan. Mayo nin matatada sa saindang pagsadiri, ni sa saindang kayamanan, kaomawan asin kamurawayan.

Ezekiel 7:23

“Maribong an gabos—an daga pano nin panggagadan asin an mga syudad pano nin kadahasan.

Sofonias 3:1

Herak man sa Jerusalem, idtong maraot saka rebeldeng syudad, na nang-aapi sa sadiri niyang mga namamanwaan.