Jeremias 6:5 - Marahay na Bareta Biblia

⁵ Magsalakay kita pagkabanggi; raoton ta an mga bantayan kan syudad.”

Jeremias 6:5 ပူးပေါင်းရင်းမြစ်များ

2 Mga Cronica 36:19

Sinulo niya an Templo, rinumpag an mga kudal nin Jerusalem, sinulo an mga palasyo asin an gabos na kayamanan duman.

Salmo 48:3

An Dios nagpapahiling na sa laog kan mga bantayan siya an pailihan.

Isaias 32:14

Maski an palasyo babayaan kan mga nag-eerok diyan asin an pangenot na syudad babayaan kan mga namamanwaan. An mga bulod saka an mga bantayan magigin mga erokan nin mga lalaw na hayop, sarong kaogmahan para sa mga lalaw na asno asin sarong pasabsaban para sa mga hayop.

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 52:13

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Jeremias 52:7

nalagbas an mga kudal kan syudad. Maski napalibotan kan mga taga Babilonia an syudad, nakadulag pagkabanggi an gabos na soldados ni Zedekias. Nag-agi sinda sa trangkahan na nasa duwang kudal, na harani sa tatamnan kan hade. Nagdulag sinda pasiring sa Araba.

Jeremias 9:21

Huli ta naglaog an kagadanan sa satong mga bintana, asin naglaog man sa satong mga palasyo; ginadan kaini an mga aking nasa tinampo asin an mga hoben na lalaki sa mga plasa.

Oseas 8:14

“Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Amos 2:5

Kaya papadarahan ko nin kalayo an Juda asin susuloon ko an mga bantayan kan Jerusalem.”

Obadias 1:1

Iyo ini an propesiya ni Obadias—an itinaram nin Kagurangnan Dios manongod sa nasyon nin Edom. Ipinadara nin Kagurangnan an saiyang sugo sa mga nasyon, asin nadangog mi an saiyang mensahe: “Pag-andam! Makigera kita sa Edom!”

Zacarias 11:1

Bukasi an saimong mga pintoan, Lebanon, tanganing masulo kan kalayo an saimong mga kahoy na sedro!