Jeremias 6:30 - Marahay na Bareta Biblia

³⁰ Aapodon sindang ati kan metal na mayo nin halaga, huli ta ako, an Kagurangnan, iyo an nagsikwal sainda.”

Jeremias 6:30 ပူးပေါင်းရင်းမြစ်များ

2 Mga Hade 17:20

Isinikwal nin Kagurangnan an gabos na Israelita; pinadusahan niya sinda asin itinao sa kamot kan mga kaiwal sagkod na napara niya sinda sa saiyang panhiling.

Salmo 119:119

An gabos na maraot na tawo sa daga ibinibilang mong basura; kaya namomotan ko an saimong mga katukdoan.

Salmo 53:5

Alagad aabotan sinda nin dakulang takot, na kaidto dai pa lamang nangyari; huli ta iwawarak nin Dios an mga tolang kan mga kaiwal nin saiyang banwaan. Magkakasoropog sinda huli ta isinikwal sinda nin Kagurangnan.

Mga Talinhaga 25:4

Halea an mga ati sa plata, asin may magigibo nang magayon na kagamitan an panday.

Isaias 1:22

Jerusalem, kaidto arog ka sa plata alagad ngunyan mayo ka na nin halaga. Kaidto arog ka sa managom na arak, alagad ngunyan tubig ka na sana.

Isaias 1:25

Ibibikyaw ko tumang saimo an sakong kamot asin lilinigan taka kan saimong ati siring sa paglinig sa metal kan gabos na ati diyan.

Jeremias 14:19

Kagurangnan, isinikwal mo na daw nanggad an Juda? Kinakaongisan mo na daw an mga tawo sa Sion? Tadaw ta kinulogan mo kami nin marahay, kaya dai na kami maoomayan? Naghanap kami nin katoninongan, alagad mayo nin nag-abot na karahayan; naglaom kami na maomayan, alagad an nag-abot katakotan.

Jeremias 23:33

Tinaraman ako nin Kagurangnan, “Jeremias, kun saro sa sakong banwaan o sarong propeta, o sarong padi an maghapot saimo, ‘Ano an mensahe nin Kagurangnan?’ Sabihan mo siya, ‘Saro kang pasanon nin Kagurangnan, asin isisikwal ka niya.’

Jeremias 7:1

Pinaduman ako nin Kagurangnan sa trangkahan kan Templo saen nag-aaragi an mga taga Juda tanganing magsamba sa Kagurangnan. Tinaraman niya ako na magtindog duman saka ipahayag sainda an tataramon kan Kagurangnan nin mga hukbo, an Dios nin Israel: “Bagohon na nindo an saindong mga gawe saka gibo, asin tutugotan ko kamong mag-erok sa lugar na ini.

Jeremias 7:29

“Pagmondo kamo, mga taga Jerusalem; putolon nindo an saindong buhok asin tapokan sa harayo. Manambitan kamo sa ibabaw kan kabubuldan, huli ta ako, an Kagurangnan, naaanggot asin isinisikwal ko an sakong banwaan.

Mga Panambitan 5:22

O totoo mananggad na isinikwal mo na kami sagkod lamang? Mayo na daw nin kasagkoran an saimong kaanggotan?

Oseas 9:17

An Dios na sakong pinaglilingkodan masikwal kan saiyang banwaan, huli ta dai sinda nagdangog sa saiya; magigin mga lagalag sinda sa mga nasyon.

Zacarias 11:8

Nauyam ako sa tolo pang pastor, na naoongis sako, asin ginadan ko sinda sa laog nin saro sanang bulan.

Mateo 5:13

“Kamo an asin kan kinaban. Kun mawaran nin asgad an asin, paano pang mapaasgad iyan? Dai na iyan nin pakinabang, kaya inaapon na sana dangan binabatayan nin mga tawo.

Roma 11:1

Kaya ini an hapot ko: Isinikwal na daw nin Dios an sadiri niyang banwaan? Dai! Israelita man ako; si Abraham an sakong ginikanan asin kabilang ako sa tribu ni Benjamin.