Jeremias 6:23 - Marahay na Bareta Biblia

²³ Kapot na ninda an saindang mga pana saka mga espada; mga maringis sinda saka mayo nin pagkaherak. An saindang ribok kun sinda naglulunad sa mga kabayo garo an naghahagubohob na dagat. Nakaandam na sinda para sa gera laban sa Jerusalem.”

Jeremias 6:23 ပူးပေါင်းရင်းမြစ်များ

Isaias 10:32

Ngunyan na aldaw, yaon na sa banwaan nin Nob an mga kaiwal, asin ibinibikyaw ninda duman an saindang gugom na mga kamot laban sa Bukid nin Sion, sa syudad nin Jerusalem.

Isaias 13:18

Gagadanon kan saindang mga pana saka bosog an mga hoben na lalaki; dai sinda maheherak sa mga omboy asin sa mga aki.

Isaias 17:12

Nagkakariribok an mga mapangyaring nasyon; an ribok ninda arog sa hagubohob kan dagat, arog sa hampak nin dakulang mga alon.

Isaias 19:4

Itatao ko an mga Egipcio sa kamot nin sarong mapang-aping kagurangnan, sa sarong makuring hade na maghahade sainda. Ako, an Kagurangnan nin mga hukbo, an nagtaram.”

Jeremias 25:32

An Kagurangnan nin mga hukbo nagsasabi na maabot an karatan sa lambang nasyon, asin sarong makosog na bagyo an nag-iitaas hale sa harayong mga poro kan kinaban.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 30:14

Liningawan na kamo kan saindong ilusyon; dai na sinda nagmamakulog saindo. Huli ta tinawan ko kamo kan hampak nin sarong kaiwal, kan padusa nin sarong mayong herak na kalaban, huli ta dakula an saindong karatan asin kadakul kan saindong kasalan.

Jeremias 4:13

Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Jeremias 4:16

Nagdatong sinda tanganing patanidan an mga nasyon saka sabihan an Jerusalem na nagdadangadang an mga kaiwal hale sa sarong harayong lugar. An mga kaiwal na ini makurahaw laban sa mga syudad nin Juda,

Jeremias 4:29

Sa ribok kan mga nangangabayo saka mga parapana, an gabos madurulag. An iba madaralagan sa kadlagan; an iba masarakat sa kagapoan. An lambang banwa babayaan asin mayo na nin mag-eerok diyan.

Jeremias 5:16

An saindang mga parapana maiisog na soldados asin mayong herak kun manggadan.

Jeremias 50:41

“May nagdadangadang na mga tawo hale sa sarong nasyon sa amihan, sarong nasyon na mapangyari; kadakul na hade an nag-aandam para sa gera.

Jeremias 50:42

May dara sindang mga pana saka mga espada; mga makuri sinda asin mayo nin pagkaherak. Garo sinda dagat na naghahagubohob mantang nagpapadalagan kan saindang mga kabayo. Andam sinda sa pakigera laban sa Babilonia.

Jeremias 6:4

Masabi sinda, “Mag-andam kita sa pagsalakay sa Jerusalem! Pag-andam, asin pagkaodto salakayon ta sinda!” Alagad masabi sindang bigla, “Mayo na kita nin panahon. Nagsosolnop na an aldaw asin nagdidiklom na.

Jeremias 8:16

An satong mga kaiwal yaon na sa syudad nin Dan; madadangog hale duman an sinogrot kan saindang mga kabayo. Sa hinirihiri kan saindang mga kabayo, nagtatakig an bilog na daga. Huli ta nag-abot na an mga kaiwal na maraot kan satong daga, na magaba kan satong syudad asin magadan kan mga nag-eerok diyan.”

Ezekiel 21:31

Mamamatean nindo an sakong kaanggotan kun butasan ko na iyan siring sa naglalaad na kalayo. Itatao ko kamo sa kamot nin maringis na mga tawo, na mga tood sa panggagadan.

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.