Jeremias 6:22 - Marahay na Bareta Biblia

²² An Kagurangnan nagtataram, “May maabot na mga tawong hale sa sarong lugar sa amihan; sarong makosog na nasyon sa harayong lugar an nag-aandam para sa gera.

Jeremias 6:22 ပူးပေါင်းရင်းမြစ်များ

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Jeremias 10:22

Paghinanyog! Igwang nag-abot na bareta! Igwa nin dakulang karibokan sa sarong nasyon sa amihan; an saindang hukbo iyo an maraot kan mga syudad nin Juda asin ini magigin sarong desyerto, sarong lugar saen pag-eerokan kan mga lalaw na ayam.”

Jeremias 13:20

Hilinga, Jerusalem! Nagdadangadang na an saimong mga kaiwal hale sa amihan! Haen na an mga tawong ipinapaniwala saimo, an banwaan na ipinag-orgulyo mo?

Jeremias 25:32

An Kagurangnan nin mga hukbo nagsasabi na maabot an karatan sa lambang nasyon, asin sarong makosog na bagyo an nag-iitaas hale sa harayong mga poro kan kinaban.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 30:5

“Nadangog ko an kurahaw nin pagkataranta, an kurahaw nin pagkatakot asin bakong katoninongan.

Jeremias 4:16

Nagdatong sinda tanganing patanidan an mga nasyon saka sabihan an Jerusalem na nagdadangadang an mga kaiwal hale sa sarong harayong lugar. An mga kaiwal na ini makurahaw laban sa mga syudad nin Juda,

Jeremias 4:6

Tukdoan an dalan pasiring sa Sion! Magdurulag kamo! Dai na kamo mag-abala! Hale sa amihan may dara an Kagurangnan na karatan saka dakulang pagraot.

Jeremias 47:2

An sabi niya: “Hilinga! An katubigan nag-iitaas sa amihan saka magsusupay iyan arog kan nagbabahang salog. Malalantopan kaiyan an daga asin an gabos na yaon diyan, an mga syudad saka an mga tawo na nag-eerok diyan. Mahagad nin tabang an mga tawo; mapait na magtatangis an lambang nag-eerok sa kinaban.

Jeremias 5:15

Banwaan nin Israel, ipapadara nin Kagurangnan an sarong nasyon hale sa harayo tanganing salakayon kamo. Saro iyan na makosog saka gurang nang nasyon na an lengwahe dai nindo aram.

Jeremias 5:16

An saindang mga parapana maiisog na soldados asin mayong herak kun manggadan.

Jeremias 6:1

Mga taga Benjamin, ligtasan nindo an saindong buhay! Maghale kamo sa Jerusalem! Patanoga an trompeta sa Tekoa asin pagmakot nin kalayo bilang tanda sa Bet-hakerem. Huli ta an kasakitan saka dakulang pagraot nagdadangadang hale sa amihan.

Ezekiel 21:31

Mamamatean nindo an sakong kaanggotan kun butasan ko na iyan siring sa naglalaad na kalayo. Itatao ko kamo sa kamot nin maringis na mga tawo, na mga tood sa panggagadan.

Ezekiel 23:22

“Kaya ngunyan, Oholiba, iyo ini an itinataram ko saimo, ako, an Kagurangnan Dios. Habo ka na kan saimong mga kadorogan, alagad papaanggoton ko sinda saimo asin dadarahon ko sinda tanganing palibotan ka.

Habakkuk 1:6

Gigibohon kong magin mapangyari an mga taga Babilonia, an maringis saka dai napapamugtak na banwaan. Naglalakaw sinda sa kahiwasan kan daga tanganing sakopon an ibang nasyon.

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.