Jeremias 6:15 - Marahay na Bareta Biblia

¹⁵ Kan gibohon ninda an makauuyam na mga bagay na ini, nasopog daw sinda? Dai nanggad sinda nasopog; dai na ngani sinda namumula sa pagkasopog. Kaya mabagsak sinda, arog kan iba; iyan an magigin kataposan ninda kun padusahan ko na sinda. Ako, an Kagurangnan, an nagtaram.”

Jeremias 6:15 ပူးပေါင်းရင်းမြစ်များ

Genesis 19:34

Sunod na aldaw, nagsabi sa saiyang tugang an matuang aki ni Lot, “Dinorogan ko siya kasubanggi; buraton ta siya giraray ngunyan na banggi asin ika man an magdorog saiya tanganing pareho kitang magkaigwa nin aki sa satong ama.”

Exodo 32:34

Alagad lakaw na asin pangenotan mo an mga tawo pasiring sa lugar na itinaram ko saimo. Giromdoma na papangenotan kamo kan sakong anghel, alagad maabot an panahon na papadusahan ko an mga tawong iyan huli kan saindang kasalan.”

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 3:9

An saindang pagpapalaen an masaksi laban sainda; ipinapahayag ninda an saindang kasalan siring sa Sodoma, dai ninda itinatago iyan. Herak man sainda! Huli ta sinda man sana an nagdara nin kapahamakan sa sainda.

Jeremias 14:15

Ako, an Kagurangnan, masabi saimo kan gigibohon ko sa mga propetang iyan na dai ko man sinugo alagad nagtataram sa ngaran ko, dangan nagsasabi na dai magkakaigwa sa dagang ini nin gera asin gutom—gagadanon ko sinda sa gera asin sa gutom.

Jeremias 18:23

Alagad, Kagurangnan, naaaraman mo an gabos nindang plano tanganing gadanon ako. Dai mo patawadon an saindang karatan ni pagparaon an saindang kasalan. Pabayaan mong madaog sinda sa atubangan mo; gibohon mo ini sainda sa panahon nin saimong kaanggotan.”

Jeremias 23:12

Kaya an mga dalan na saindang linalakawan magigin mahalnas saka madiklom; magkakasiringkog sinda saka magkakaturumba. Papadarahan ko sinda nin kasakitan; an oras nin pagpadusa sainda nagdadangadang na. Ako, an Kagurangnan, an nagtaram.

Jeremias 3:3

Iyan an dahelan kun tadaw ta pinugol ko an uran asin dai nagbulos ini maski sa panahon kan pagtalubo kan mga tinanom. Garo ka sarong maraot na babae; mayo ka nin kasosopgan.

Jeremias 44:10

Alagad sagkod ngunyan dai kamo nagpapakumbaba. Dai kamo nag-omaw sako ni namuhay sosog sa gabos na katogonan na itinao ko saindo asin sagkod sa saindong mga ginikanan.

Jeremias 5:29

“Alagad ako, an Kagurangnan, an mapadusa sainda huli kan mga bagay na ini; babaloson ko an siring na nasyon.

Jeremias 5:9

Bakong dapat na padusahan ko sinda huli kan mga bagay na ini? Bakong dapat na baloson ko an nasyon na siring kaini?

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Jeremias 8:9

Napapasopog an mga madonong nindang tawo; nariribong sinda saka nasisiod. Isinikwal ninda an mga tataramon ko; anong kadonongan an yaon pa sainda ngunyan?

Ezekiel 13:14

Rurumpagon ko an kudal na tinapalan nindo nin karboro, tanganing mahiling an mga pundasyon. Marurumpag iyan asin magagadan kamo gabos. Dangan maaaraman nindo na ako an Kagurangnan.

Ezekiel 2:4

Matagas an saindang payo asin dai ninda ako ginagalangan, kaya sinusugo taka tanganing sabihan sinda na ini an tataramon ko, an Kagurangnan Dios.

Ezekiel 24:7

Igwa nin panggagadan sa syudad, alagad pinabulos an dugo bako sa daga tanganing matambonan kan alpog, kundi sa nahihiling na gapo.

Oseas 4:5

Aldaw-banggi, mayo kamong gibong matanos; an mga propeta siring man saindo. Raraoton ko an Israel, an saindong ina.

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

Mikas 3:6

“Mga propeta, harani na an saindong kataposan; madali nang magsolnop an aldaw para saindo. Dai na kamo magkakaigwa nin mga bisyon, huli ta linagalag nindo an sakong banwaan, asin dai na kamo makakahula.”

Mikas 7:4

Maski an pinakamarahay saka pinakaonesto sa sainda garo mga tonok na mayo nin halaga. Nag-abot na an aldaw kan pagpadusa nin Dios sa mga tawo, siring kan saiyang ipinatanid sainda sa paagi kan saindang mga parabantay, an mga propeta. Ngunyan, nagkakariribong sinda.

Sofonias 2:1

Daing sopog na nasyon, magtiripon kamo asin mag-orolay,

Sofonias 3:5

Alagad yaon pa sa syudad an Kagurangnan; ginigibo niya an tama asin bako an sala. Aga-aga asin mayo nanggad nin palihis, pinapahilingan niya nin hustisya an saiyang banwaan. Alagad an bakong matanos na mga tawo diyan padagos na naggigibo nin maraot asin dai nasosopog.

Zacarias 13:4

Pag-abot kan panahon na iyan, mayong propetang magpapaabaw-abaw huli kan saiyang mga bisyon o mamumuhay arog sa gawe nin sarong propeta o magsusulot kan mabalukag na gubing nin sarong propeta tanganing mandaya nin mga tawo.

Mateo 15:14

Pabayae sana nindo sinda; mga buta sindang giya. Kun an sarong buta magkabit nin kapwa buta, pareho sindang mahuhulog sa kalot.”

Filipos 3:19

Kapahamakan an aabotan ninda huli ta an kamawotan kan saindang hawak iyo an nagin nindang dios; ipinag-oorgulyo pa ninda an dapat nindang ikasopog, asin an iniisip sana ninda iyo an mga bagay digdi sa kinaban.