Jeremias 6:10 - Marahay na Bareta Biblia

¹⁰ Nagsimbag ako, “Siisay an madangog sako kun kaolayon ko sinda saka patanidan? Matagas an saindang mga payo. Habo nindang hinanyogon an saimong tataramon asin pinagngingisihan ninda an ipinapahayag ko sainda.

Jeremias 6:10 ပူးပေါင်းရင်းမြစ်များ

Salmo 1:2

Alagad an saiyang kaogmahan nasa Katogonan nin Kagurangnan; ini aldaw-banggi niyang pinag-aadalan.

Salmo 119:16

Ikinakaogma ko an saimong mga katogonan; dai ko lilingawan an saimong mga kabotan.

Salmo 119:174

Minamawot ko an saimong kaligtasan, Kagurangnan, asin an saimong katogonan iyo an sakong kaogmahan.

Salmo 119:24

Kaogmahan ko an saimong mga katukdoan; sinda an sakong mga parahatol.

Salmo 119:35

Giboha akong makinuyog-kuyog sa saimong mga kabotan, huli ta yaon diyan an sakong kaogmahan.

Salmo 119:70

An mga tawong ini mayo nin pakasabot, alagad naoogma ako sa saimong katogonan.

Salmo 119:77

Maherak ka sako, tanganing ako mabuhay; huli ta an saimong katogonan iyo an sakong kaogmahan.

Salmo 40:8

O Dios ko, naoogma ako sa pag-otob kan kabotan mo; an saimong togon rimpos ko sa sakuyang puso.”

Exodo 6:12

Nagsimbag si Moises, “Kun an mga Israelita dai ngani nagdangog sako, an hade pa daw, orog nang gayo na maluya akong magtaram?”

Isaias 42:20

Israel, kadakul kan saimong nahiling, alagad ano an nagin kahulogan kaiyan saimo? Igwa ka nin talinga tanganing gamiton sa pagdangog, alagad ano mananggad an saimong nadangog?”

Isaias 53:1

Nagsimbag an mga tawo, “Siisay daw an pwedeng magtubod sa samong ibinabareta? Siisay daw an pwedeng nakahiling kan kamot nin Kagurangnan sa nangyaring ini?

Jeremias 4:4

Otoba an tipan nindo sako, an saindong Kagurangnan, asin italaga nindo an saindong buhay sa paglingkod sako. Kun dai nindo gibohon iyan, an kaanggotan ko maglalaad siring sa kalayo huli kan mga maraot na bagay na saindong ginibo. Maglalaad iyan, asin mayo nin siisay man na makakasigbo kaiyan.”

Jeremias 5:21

Pagdangog kamo, lolong saka mangmang na mga tawo na igwang mga mata, alagad dai nakakahiling; na igwang mga talinga, alagad dai nakakadangog.

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.

Ezekiel 3:7

Alagad dai ka dadangogon kan mga Israelita; habo ngani sindang magdangog sako, huli ta mga sutil sinda asin rebelde.

Ezekiel 33:3

Kun mahiling na niyang nagdadangadang an kaiwal, papatanogon niya an trompeta bilang patanid sa mga tawo.

Ezekiel 33:9

Alagad kun patanidan mo an maraot na tawo alagad dai siya magtalikod sa saiyang karatan, magagadan siya sa saiyang kasalan, asin ikakaligtas mo an saimong buhay.”

Amos 7:10

Dangan nagpatogon si Amazias, an padi nin Betel, ki Hadeng Jeroboam: “Igwa nin pinaplano laban saimo si Amos sa tahaw kan banwaan. An mga pahayag niya iyo an maraot kan daga.

Mateo 3:7

Kan mahiling ni Juan na dakul na Fariseo asin Saduceo an nag-abot tanganing magpabunyag, sinabihan niya sinda, “Mga rimoranon! Siisay an nagsabi saindo na makakadulag kamo sa maabot na padusa nin Dios?

Lukas 11:45

Nagsabi an saro kan mga abogado kan Katogonan, “Maestro, sa itinaram mong iyan, pati kami sinosopog mo!”

Lukas 20:19

Nasabotan kan mga paratukdo kan Katogonan asin kan mga poon na padi na sinda an pinapanongdan ni Jesus kan parabolang idto. Naghingowa sindang dakopon si Jesus kan oras na iyan, alagad natakot sinda sa mga tawo.

Juan 7:7

Dai kamo ikakaongis kan kinaban, alagad ikinakaongis ako, huli ta pinapatotoohan ko an mga maraot na gibo kan kinaban.

Juan 9:40

Nadangog ini kan nagkapirang Fariseo sa harani niya, kaya hinapot ninda siya, “An boot mong sabihon buta man kami?”

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Mga Gibo 7:60

Dangan nagluhod siya saka nagkurahaw, “Kagurangnan, hare sinda pagsingila kan kasalan na ini!” Pakataram niya kaini nautsan siya.

Roma 7:22

Sa puso ko, maogma kong sinusunod an katogonan nin Dios.

Deuteronomio 29:4

alagad sagkod ngunyan na aldaw, dai pa niya ipinapasabot saindo an saindong naeksperyensyahan.

Colosas 1:28

Kaya ipinaghuhulit mi si Cristo sa gabos na tawo. Pinapatanidan saka tinutukdoan mi an gabos sa bilog ming kadonongan tanganing ikaatubang mi sa Dios an lambang tawo na tunay na banal ki Cristo.

2 Timoteo 4:3

Maabot an panahon na dai na magdadangog an mga tawo kan totoong katukdoan, kundi magsusunod kan sadiri nindang kamawotan. Matipon sinda nin dakul na tawong magtutukdo sainda kan boot sana nindang madangog.

Hebreyo 11:7

Huli sa pagtubod, dinangog ni Noe an mga patanid nin Dios dapit sa mga bagay na mangyayari asin dai pa niya nahihiling. Kinuyog niya an Dios, saka naggibo siya nin arka na maligtas saiya asin kan bilog niyang pamilya. Huli kaini, hinatolan an kinaban asin nagin paramana siya kan katanosan na bunga kan pagtubod.