Jeremias 52:6 - Marahay na Bareta Biblia

⁶ Kan ikasiyam na aldaw kan ikaapat na bulan kan taon na idto, kan makuri na an gutom sa syudad, mala ta mayo na nin nakakakan an mga tawo,

Jeremias 52:6 ပူးပေါင်းရင်းမြစ်များ

2 Mga Hade 25:3

Kan ikasiyam na aldaw kan ikaapat na bulan kan taon na idto, kan makuri na an gutom sa syudad, mala ta mayo na nin makakakan an mga tawo,

Isaias 3:1

Huli ta uya, an Kagurangnan, an Kagurangnan nin mga hukbo, hahaleon niya sa Jerusalem saka sa Juda an gabos na sinasarigan kan katawohan. Hahaleon niya an sinasarigan nindang pagkakan asin tubig.

Jeremias 15:2

Kun hapoton ka ninda kun saen sinda dapat mapaduman, sabihan mo sinda na nagtaram akong: An iba sainda itinalaan nang magadan sa helang— iyan an saindang padudumanan! An iba sainda itinalaan nang magadan sa gera— iyan an saindang padudumanan! An iba sainda itinalaan nang magadan sa gutom— iyan an saindang padudumanan! An iba sainda itinalaan sa pagkabihag— iyan an saindang padudumanan!

Jeremias 19:9

An syudad papalibotan kan mga kaiwal asin hihingowahon nindang gadanon an mga tawo. Magigin makuri an pagkalaom sa syudad kaya kakakanon kan mga tawo digdi an saindang kapwa sagkod an sadiri nindang mga aki.”

Jeremias 21:9

An siisay man na magdanay sa syudad magagadan sa gera, sa gutom asin sa peste. Alagad an siisay man na magluwas sa syudad saka magsuko sa mga taga Babilonia, na nagsasalakay ngunyan sa syudad, dai magagadan; ikakaligtas niya an saiyang buhay.

Jeremias 25:10

Paparaon ko sa sainda an mga tingog nin kaogmahan asin kagayagayahan, an maogmang tingog kan mga bagong kasal, an paggiling nin trigo, asin an liwanag kan ilaw.

Jeremias 37:21

Kaya nagboot si Hadeng Zedekias na ibilanggo ako sa patyo kan palasyo. Nag-ontok ako duman, asin aroaldaw tinatawan ako nin sarong tinapay hale sa panaderia sagkod na naubos an gabos na tinapay sa syudad.

Jeremias 38:9

“Mahal na hade, sala an ginibo kan saimong mga opisyal. Ibinugtak ninda si Jeremias sa bubon; magagadan siya duman sa gutom, huli ta mayo na nin pagkakan sa syudad.”

Jeremias 39:2

Kan ikasiyam na aldaw kan ikaapat na bulan kan ikaonseng taon kan paghahade ni Zedekias nalaog ninda an syudad. (

Mga Panambitan 1:11

Nag-aagrangay an saiyang banwaan mantang naghahanap nin pagkakan; an kayamanan ninda iriniribay nin tinapay tanganing padagos sindang mabuhay. “Hilinga ako, Kagurangnan,” an sabi kan syudad; “hilinga ako sa sakong kasakitan!”

Mga Panambitan 5:10

Gutom an dahelan kan samong kalentura sagkod na an kublit mi magin arog kainit sa horno.

Ezekiel 14:13

“Aki nin tawo, kun an sarong daga nagkakasala asin nagigin bakong maimbod sa sako, uunaton ko an sakong kamot asin raraoton ko an ginigikanan kan saindang kakanon. Mapadara ako nin makuring gutom asin gagadanon ko an mga tawo saka mga hayop.

Ezekiel 14:21

Ini an tataramon nin Kagurangnan Dios: “Mapadara ako nin apat na mangirhat na padusa sa Jerusalem—gera, makuring gutom, lalaw na mga hayop, asin peste—tanganing gadanon an mga tawo saka mga hayop.

Ezekiel 31:1

Kan enot na aldaw kan ikatolong bulan kan ikaonseng taon kan samuyang pagkatapokan, nagtaram sako an Kagurangnan,

Ezekiel 5:16

Oontokon ko an pagtao nin pagkakan saimo asin gugutomon taka. An kulog nin gutom na mamamatean mo magigin arog sa kulog kan tama nin sarong matarom na bosog na magadan saimo.

Ezekiel 7:15

Igwa nin ralaban sa mga tinampo asin igwa nin helang saka gutom sa mga harong. An mga nasa luwas kan syudad magagadan sa ralaban; an mga nasa laog kan syudad magigin biktima nin helang saka gutom.

Levitico 26:26

Hahaleon ko an ginigikanan kan saindong pagkakan, kaya saro sanang pogon an magagamit nin sampolong babae tanganing lutoan kan gabos nindang tinapay. Irarasyon ninda iyan asin pakatapos nindong magkakan, dai man giraray kamo mababasog.

Zacarias 8:19

“An pag-aayuno na ginigibo sa ikaapat, ikalima, ikapito, asin ikasampolong bulan magigin mga pyesta nin kaogmahan saka kagayagayahan para sa mga taga Juda; kaya kamotan nindo an katotoohan asin an katoninongan.”

Deuteronomio 32:24

Magagadan sinda sa gutom saka kalentura, asin sa makatakot na mga helang. Isusubol ko sa pagsalakay sainda an mga maringis na hayop, asin an mga makamandag na halas na makagat sainda.