Jeremias 52:20 - Marahay na Bareta Biblia

²⁰ Magabat nin marahay an mga harigi, mga bronseng kariton saka an dakulang bronseng tangke na ipinagibo ni Hadeng Solomon para sa Templo, kaya dai na tinimbang an mga ini.

Jeremias 52:20 ပူးပေါင်းရင်းမြစ်များ

1 Mga Hade 7:25

An tangke nakatumbaw sa likod nin doseng bronseng baka na an tolo nakaatubang sa amihan; an tolo sa solnopan, an tolo sa habagat, asin an tolo sa sirangan; nagtataralikodan an gabos na baka.

1 Mga Hade 7:47

Dai na ipinatimbang ni Solomon an mga bronseng kagamitan na ini huli ta kadakul nin marahay. Dai nanggad naaraman an timbang kan mga ini.

2 Mga Hade 25:16

Magabat nin marahay an mga bronseng harigi, mga bronseng kariton saka an dakulang bronseng tangke na ipinagibo ni Hadeng Solomon para sa Templo, kaya dai na tinimbang an mga ini.

1 Mga Cronica 22:14

Manongod sa Templo, nagpagal ako sa pagtipon nin maabot sa tres mil kwatro syentos na toneladang bulawan, saka mga treynta mil na toneladang plata, laen pa kan dakul na bronse asin lansang. Nag-andam man ako nin kahoy asin gapo, alagad kaipuhan dugangan mo pa an mga ini.

2 Mga Cronica 4:18

Dakul na kagamitan an ginibo kaya dai na naaraman an kabilogan na timbang kan ginamit na bronse.

Jeremias 52:17

Rinonot kan mga taga Babilonia an mga bronseng harigi, an mga kariton sa Templo, asin an dakulang bronseng tangke, dangan dinara ninda sa Babilon an gabos na bronse.