Jeremias 52:19 - Marahay na Bareta Biblia

¹⁹ Kinua ninda an lambang kagamitan na gibo sa bulawan saka sa plata; sagkod an saradit na mangko, an mga bugtakan nin baga, an mga palanggana, an mga lalagan kan abo, an mga kandelero, an mga mangko para sa insenso, saka an mga mangko para sa dolot na arak.

Jeremias 52:19 ပူးပေါင်းရင်းမြစ်များ

2 Mga Hade 25:15

Kinua man ninda an lambang kagamitan na gibo sa bulawan saka sa plata, sagkod an saradit na mangko saka an mga bugtakan nin baga.

Exodo 27:3

Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse.

Levitico 26:12

Iibahan ko kamo; ako an saindong magigin Dios asin kamo an magigin banwaan ko.

Zacarias 4:2

Hinapot niya ako, “Ano an nahihiling mo?” Nagsimbag ako, “Sarong bulawan na kandelero na igwang mangko para sa lana sa parteng ibabaw. Igwa man nin pitong ilawan an kandelero, na an lambang saro igwang pitong bugtakan nin mitsa.

Mga Bilang 16:46

dangan nagsabi si Moises ki Aaron, “Kuahon mo an saimong insensaryo, bugtakan mo kan baga sa altar, asin bugtakan mo nin insenso an baga. Daraha an insensaryo pasiring sa mga tawo asin gibohon mo an seremonya nin paglinig para sainda. Maghidali ka! Anggot na an Kagurangnan asin nagpoon na an peste.”