Jeremias 52:18 - Marahay na Bareta Biblia

¹⁸ Kinua ninda an mga kaldero, mga pala, mga pamalsok nin mitsa, mga palanggana, mga mangko para sa insenso, asin an gabos na kagamitan na bronse na ginagamit sa Templo.

Jeremias 52:18 ပူးပေါင်းရင်းမြစ်များ

1 Mga Hade 7:40

Naggibo man si Huram nin mga kaldero, pala asin mga mangko. Tinapos niya an gabos na ipinagibo saiya ni Hadeng Solomon para sa Templo nin Kagurangnan: An duwang harigi An duwang kapitel na pormang mangko sa ibabaw kan mga harigi An sinalapid na mga kadena para sa mga kapitel An kwatro syentos na granadang pansamno, duwang raya nin granada para sa sarong kadenang nasa lambang kapitel An sampolong kariton An sampolong palanggana An tangke An doseng baka na natutumbawan kan tangke An mga kaldero, pala, asin mangko An mga kagamitan na ini para sa Templo, na ipinagibo ni Hadeng Solomon ki Huram gabos gibo sa makintab na bronse.

1 Mga Hade 7:50

an mga kalis, an mga pamalsok kan ilaw, an mga mangko, an mga plato para sa insenso, asin an mga bugtakan nin baga; an mga bisagra kan mga pinto kan Kabanal-banaleng Lugar asin kan panluwas na mga pinto kan Templo. An gabos na kagamitan na ini gibo sa purong bulawan.

1 Mga Cronica 28:17

Itinukdo pa niya an tamang timbang nin purong bulawan na gagamiton sa paggibo nin mga tinidor, mga palanggana saka mga kalis; dangan an tamang timbang nin bulawan saka plata na gagamiton sa paggibo kan mga mangko;

2 Mga Cronica 4:11

Naggibo man si Huram nin mga kaldero, mga pala asin mga mangko. Tinapos niya an gabos na ipinagibo saiya ni Hadeng Solomon para sa Templo nin Dios:

2 Mga Cronica 4:22

an mga pamalsok kan ilaw, an mga mangko, an mga plato para sa insenso, asin an mga bugtakan nin baga. Gabos ini gibo sa purong bulawan. An mga pinto sa luwas kan Templo asin an mga pinto pasiring sa Kabanal-banaleng Lugar pinatos sa bulawan.

2 Mga Cronica 4:8

Nagpagibo pa siya nin sampolong lamesa na ipinabugtak man niya sa Templo, lima sa parteng habagat asin lima sa parteng amihan. Dangan nagpagibo siya nin sanggatos na bulawan na mangko.

Esdras 1:10

treyntang bulawan na mangko, kwatro syentos dyes na platang mangko, saka sangribo pang mga kagamitan.

Exodo 25:29

Gumibo kamo nin mga plato para sa insenso. Gumibo man kamo nin kalis, dulay saka mangko para sa dolot na arak. Iyan gabos gibohon nindo sa purong bulawan.

Exodo 25:38

Gibohon nindo sa purong bulawan an pansipit sa mitsa asin an mga bandehado.

Exodo 27:3

Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse.

Exodo 37:16

Ginibo niya sa purong bulawan an mga kagamitan sa lamesa: an mga plato na para sa insenso, an kalis, dulay asin mangko na para sa dolot na arak.

Exodo 37:23

Ginibo niya an pitong ilawan para sa kandelero. An mga pansipit sa mitsa asin an mga bandehado ginibo niya sa purong bulawan.

Exodo 38:3

Ginibo man niya an gabos na kagamitan kan altar: mga kawa, mga pala, mga mangko, mga kawit asin mga bugtakan nin baga. Ginibo niya ini gabos sa bronse.

Mga Bilang 4:14

Pakatapos, ibubugtak ninda sa ibabaw kaiyan an gabos na kasangkapan na ginagamit sa paglilingkod sa altar: an mga bugtakan nin baga, an mga pansipit, mga pala saka mga palanggana. Papatoson ninda iyan nin sarong anit nin kanding dangan isusurok ninda an mga pasanan.

Mga Bilang 4:7

Sa ibabaw kan lamesa para sa tinapay na dolot sa Kagurangnan, ibibiklad ninda an sarong telang asul dangan ibubugtak ninda digdi an mga plato, an mga mangko para sa insenso saka dolot, asin an mga tapayan para sa dolot na alak patin an danay na tinapay.