Jeremias 52:13 - Marahay na Bareta Biblia

¹³ Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Jeremias 52:13 ပူးပေါင်းရင်းမြစ်များ

1 Mga Hade 9:8

An Templo na ini magigin sarong tambak nin mga raot, asin an lambang mag-agi digdi matitikbahan saka mangalas. Mahapot sinda, ‘Tano ta siring an ginibo nin Kagurangnan sa dagang ini asin sa Templong ini?’

2 Mga Hade 25:9

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

2 Mga Cronica 36:19

Sinulo niya an Templo, rinumpag an mga kudal nin Jerusalem, sinulo an mga palasyo asin an gabos na kayamanan duman.

Salmo 79:1

O Dios, an saimong daga linaog kan mga pagano; pinagbasang-basang ninda an banal mong Templo; rinumpag ninda an Jerusalem.

Jeremias 19:13

Magigin maati arog kan Tofet an mga harong sa Jerusalem, an mga harong kan mga hade sa Juda asin an gabos na harong, huli ta an bubong kan mga ini ginagamit ninda sa pagtutong nin insenso para sa mga bitoon asin sa pag-ula nin arak bilang dolot na inomon sa ibang mga dios.”

Jeremias 21:10

Nagdesisyon na ako na dai iligtas an syudad na ini kundi raoton. Itatao ini sa hade nin Babilonia, asin susuloon niya ini. Ako, an Kagurangnan, an nagtaram.”

Jeremias 21:14

Alagad papadusahan taka sa ginibo mo. Susuloon ko an saimong palasyo, asin an gabos sa palibot kaiyan. Ako, an Kagurangnan, an nagtaram.”

Jeremias 22:14

Herak man sa tawo na nagsasabi, “Matugdok ako nin sarong dakulang harong na may mga mahiwas na kwarto sa itaas.” Kaya binugtakan niya nin mga bintana an saiyang harong, linanoban nin sedro, asin pinintahan nin pula.

Jeremias 32:29

saka susuloon. Susuloon ninda ini kaiba an mga harong saen pinaanggot ako kan mga tawo huli kan pagtutong ninda nin insenso para ki Baal sa saindang mga atop, saka pag-ula nin arak na dolot sa mga dios-dios.

Jeremias 34:22

Itatao ko an pagboot asin mabalik sinda sa syudad na ini. Sasalakayon ninda ini, sasakopon, saka susuloon. Iaarog ko sa desyerto an mga banwa nin Juda na mayo nin nag-eerok. Ako, an Kagurangnan, an nagtaram.”

Jeremias 38:23

Nagsabi pa ako, “Dadarahon kan mga taga Babilonia an gabos mong agom saka aki; dai ka makakadulag sainda. Dadarahon ka bilang sarong bihag kan hade nin Babilonia, asin susuloon an syudad na ini.”

Jeremias 6:5

Magsalakay kita pagkabanggi; raoton ta an mga bantayan kan syudad.”

Jeremias 7:14

Kaya an ginibo ko sa Shilo gigibohon ko man sa Templo kong ini, na sinasarigan nindo. Digdi sa lugar na ini na itinao ko saindo asin sa mga ginikanan nindo, gigibohon ko an parehong ginibo ko sa Shilo.

Mga Panambitan 2:5

Arog sa sarong kaiwal, rinaot nin Kagurangnan an Israel. Rinaot niya an mga palasyo saka an mga bantayan; an kamondoan asin an panambitan kan mga taga Juda saiya pang dinagdagan.

Mga Panambitan 2:6

Rinaot niya an Templo, an lugar na pinagsasambahan mi saiya. Hinale niya an mga pyesta asin an Sabbath. Ipinamate niya sa hade asin sa padi an kosog kan saiyang kaanggotan.

Mga Panambitan 2:7

Isinikwal nin Kagurangnan an saiyang altar asin binayaan an saiyang banal na Templo. An mga kudal kaini itinugot niyang rumpagon kan mga kaiwal, na nagkurahaw sa kapangganahan sa lugar na pinagsambahan mi kaidto.

Mga Panambitan 2:8

Kabotan nin Kagurangnan na marumpag an mga kudal nin Sion; sinukol niya iyan tanganing maraot nanggad an gabos. An mga tore saka an mga kudal gabos rumpag na ngunyan.

Ezekiel 16:41

Susuloon ninda an saimong mga harong asin papadusahan ka ninda sa atubang nin dakul na babae. Oontokon ko an saimong pagigin maraot na babae asin an pagtao mo nin mga regalo sa mga kadorogan mo.

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Amos 2:5

Kaya papadarahan ko nin kalayo an Juda asin susuloon ko an mga bantayan kan Jerusalem.”

Amos 6:11

Kun itao na nin Kagurangnan an pagboot, magkakaroronot an mga harong, dakula man o sadit.

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Zacarias 11:1

Bukasi an saimong mga pintoan, Lebanon, tanganing masulo kan kalayo an saimong mga kahoy na sedro!

Mateo 24:2

Sinabihan sinda ni Jesus, “Nahihiling nindo an gabos na iyan? Sa katotoohan sinasabihan ko kamo, mayo diyan nin matatada ni sarong gapo sa ibabaw nin saro pang gapo; an gabos marurumpag.”