Jeremias 51:9 - Marahay na Bareta Biblia

⁹ Nagsabi an mga dayuhan na nag-eerok duman, ‘Hiningowa mi na tabangan an Babilonia, alagad huri na an gabos. Pabayaan ta na siya saka magbalik na kita sa sadiri tang banwaan. Bilog na kosog na pinadusahan nin Dios an Babilonia asin rinumpag niya nanggad ini.’”

Jeremias 51:9 ပူးပေါင်းရင်းမြစ်များ

2 Mga Cronica 28:9

Alagad may sarong propeta nin Kagurangnan, na an ngaran Oded, an nag-erok kaidto sa syudad nin Samaria. Sinabat niya an mga nagbaralik na Israelita kaiba an mga bihag na taga Juda, asin sinabihan, “Anggot sa Juda an Kagurangnan na Dios kan saindong mga ginikanan, kaya tinugotan niyang madaog nindo sinda. Alagad nakaabot sa langit an makuring paggadan nindo sainda.

Esdras 9:6

Nagsabi ako, “O Dios, nasosopog ako na iitaas an sakong lalawogon sa atubangan mo, huli ta mas halangkaw an samong mga kasalan ki sa samong mga payo, asin an samong karatan nakakaabot sagkod sa kalangitan.

Isaias 13:14

“Madaralagan papuli sa saindang sadiring daga an mga dayuhan na nag-eerok sa Babilon. Magkakawararak sinda siring sa mga usa na nagdudurulag sa paraayam, garong mga karnero na mayo nin pastor.

Isaias 47:15

Mayo nin itataong karahayan saimo an mga astrologo na pinaghahagadan mo nin hatol sa bilog mong buhay. Babayaan ka ninda asin malakaw sinda sa sadiri nindang dalan, dangan mayo nin matatada na maligtas saimo.”

Jeremias 46:16

Nagkasiringkog saka nagkaturumba an saindong mga soldados, asin nagsabi an lambang saro, ‘Magpuli na kita sa satong banwaan tanganing makadulag kita sa espada kan kaiwal!’

Jeremias 46:21

Maski an saiyang tinandanan na mga soldados garo mga ogbon na baka na dai pa tataong lumaban. Dai sinda nagtindog saka nakilaban; sinda gabos nag-aratras saka nagdurulag. Nag-abot na an aldaw nin saindang kapahamakan; an panahon na sinda papadusahan.

Jeremias 50:16

Puhoa an lambang paratanom sa Babilonia, asin an lambang paraani na may darang asyab. An lambang dayuhan na nag-eerok duman matatakot sa nagsasalakay na hukbo, kaya an lambang saro sainda mabalik sa sadiri niyang daga.”

Jeremias 8:20

Nagkurahaw an banwaan, “Nag-agi na an tig-init, tapos na man an tig-ani, alagad dai kami ikinaligtas.”

Oseas 7:13

“Herak man sainda, huli ta tinalikodan ninda ako asin nagrebelde sinda sako! Magkakagaradan sinda! Boot ko kutanang iligtas sinda, alagad bakong totoo an pagsamba ninda sako.

Kapahayagan 18:4

Dangan nakadangog ako nin saro pang tingog hale sa langit na nagsabi, “Lumuwas kamo, banwaan ko! Lumuwas kamo sa saiya, ta tibaad madamay kamo sa mga kasalan niya, ta tibaad madamay kamo sa mga pasakit saiya.

Kapahayagan 18:5

Huli ta an saiyang mga kasalan tambak na sagkod sa kalangitan, dai malilingawan nin Dios an saiyang karatan.