Jeremias 51:7 - Marahay na Bareta Biblia

⁷ An Babilonia nagin arog sa bulawan na kalis sa kamot ko, tanganing buraton an bilog na kinaban. Nag-inom kan saiyang arak an mga nasyon, kaya narungaw sinda.

Jeremias 51:7 ပူးပေါင်းရင်းမြစ်များ

Isaias 14:4

Kun gibohon na niya ini, pag-oolog-ologon kan mga Israelita an hade nin Babilonia asin magsasarabi: “Buminagsak na an makuring hade! Dai na nanggad siya makakaapi sa kiisay man!

Jeremias 13:13

Dangan sabihan mo sinda na ako, an Kagurangnan, an mapano sa gabos na nag-eerok sa dagang ini nin arak sagkod na maburat sinda; sa mga hade, na mga kapagarakian ni David, sa mga padi, sa mga propeta, saka sa gabos na taga Jerusalem.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 50:38

Pagkaalang para sa saiyang daga; pagkahubas para sa saiyang mga salog. An Babilonia iyo an daga nin nakakatakot na mga dios-dios na nagparungaw sa mga tawo.

Ezekiel 23:42

Nadangog an ribok nin sarong grupo na mayo nin kahandalan, sarong grupo nin mga lalaki na pinalaog sa kwarto hale sa kalangtadan. An mga babae binugtakan kan mga ini nin mga pulseras asin mga magayon na korona.

Daniel 2:32

An payo kaiyan gibo sa pinong bulawan; an daghan saka an mga takyag gibo sa plata; an tulak saka habayan gibo sa bronse,

Daniel 2:38

Siya an naggibo saimong pamayo kan gabos na kabtang kan daga na pinag-eerokan kan mga tawo, hayop, saka gamgam. Ika an payong bulawan.

Kapahayagan 14:8

May nagsunod na ikaduwang anghel na nagsabi, “Rumpag na! Rumpag na an bantog na Babilonia, an nagpainom sa gabos na nasyon kan arak nin saiyang karigsokan.”

Kapahayagan 17:2

An mga hade sa kinaban nakipagdorogan saiya. Naburat an mga nag-eerok sa kinaban huli kan saiyang arak nin karigsokan.”

Kapahayagan 17:4

An babae nakagubing nin purpura saka pula; nasasamnohan siya nin mga bulawan, mga mahalagang bato, asin mga perlas. Igwa siyang kapot na bulawan na kopa na pano nin kadustaan saka mga maaating bagay, na iyo an bunga kan saiyang karigsokan.

Kapahayagan 18:23

Mayo nang mahihiling na liwanag nin ilawan diyan saimo; mayo nang madadangog na tingog kan nobya saka nobyo. An mga negosyante mo an nagin pinakamapangyari sa bilog na kinaban; sa paagi nin salamangka, dinaya mo an gabos na nasyon sa kinaban!”

Kapahayagan 18:3

Huli ta an gabos na nasyon nag-inom kan arak nin saiyang karigsokan. An mga hade sa kinaban nakipagdorogan saiya asin an mga negosyante sa daga nagyaman huli kan sobra niyang kapasloan sa laman.”

Kapahayagan 19:2

Tama asin matanos an saiyang mga paghukom! Pinadusahan niya an pinakamaraot na babae na iyo an nagparaot kan kinaban huli kan saiyang karigsokan. Pinadusahan siya nin Dios dahel ta ginadan niya an mga sorogoon nin Dios.”