Jeremias 51:58 - Marahay na Bareta Biblia

⁵⁸ An mahiwas na kudal nin Babilonia papatagon, saka an halangkaw na mga trangkahan susuloon. Mayo nin halaga an gibo kan mga nasyon; magkakalayo an saindang pinagpagalan. Ako, an Kagurangnan nin mga hukbo, an nagtaram.”

Jeremias 51:58 ပူးပေါင်းရင်းမြစ်များ

Salmo 127:1

Kun bakong an Kagurangnan an magpatindog kan harong, masasayang sana an trabaho kan mga nagpapatindog kaiyan. Kun bakong an Kagurangnan an magbantay sa syudad, masasayang sana an pagpupuka kan bantay.

Isaias 13:2

Iitaas mo an tanda sa ibabaw kan sarong bulod na mayo nin anoman na nagtatalubo! Kurahawan mo an mga soldados dangan iitaas mo an saimong kamot bilang tanda sa sainda tanganing salakayon an mapaabaw-abaw na syudad.

Isaias 47:13

Mayo ka nin nagiginibo maski kadakul na kan hatol saimo. Padoloka an saimong mga astrologo asin magpatabang ka sainda— sinda na nag-aadal kan mga bitoon, na naggigibo nin mapa kan kalangitan asin nagsasabi saimo bulan-bulan kun ano an mangyayari saimo.

Isaias 65:23

Magigin mauswag an saindang pinagpagalan, asin dai mamumugtak sa kapahamakan an saindang kaakian. Sinda saka an saindang kapagarakian bebendisyonan ko sagkod sa mga maabot na panahon.

Jeremias 50:15

Kumurahaw kamo nin panggagana laban saiya sa palibot kan syudad! Nagsuko na an Babilon; bagsak na an saiyang bantayan asin rumpag na an saiyang mga kudal. Huli ta iyo ini an pagbalos ko. Balosa nindo siya; giboha nindo saiya an ginibo niya sa iba.

Jeremias 51:30

Nag-ontok na sa pakilaban an mga soldados nin Babilonia, asin dai na naghale sa saindang mga bantayan. Nawara na an kosog kan saindang boot asin nagin arog sinda sa mga babae. Garaba na an mga trangkahan kan syudad asin nagkakalayo na an mga harong.

Jeremias 51:44

Papadusahan ko si Bel, an dios-dios nin Babilonia, asin ipapabalik ko sa saiya an mga hinabon niya; dai na nanggad masamba saiya an mga nasyon. “Narumpag na an mga kudal kan Babilon.

Jeremias 51:64

asin magsabi ka, ‘Iyo ini an mangyayari sa Babilonia—mairarom siya asin dai na maibabaw giraray huli kan kapahamakan na ipapadara saiya nin Kagurangnan.’” Digdi natatapos an mga tataramon ni Jeremias.

Jeremias 51:9

Nagsabi an mga dayuhan na nag-eerok duman, ‘Hiningowa mi na tabangan an Babilonia, alagad huri na an gabos. Pabayaan ta na siya saka magbalik na kita sa sadiri tang banwaan. Bilog na kosog na pinadusahan nin Dios an Babilonia asin rinumpag niya nanggad ini.’”

Jeremias 9:5

An gabos nandadaya sa katood niya, mayong nagtataram nin katotoohan; tinukdoan ninda an saindang dila na magtaram nin kaputikan asin dai sinda maontok sa paggibo nin kasalan.

Mga Panambitan 5:5

Pinapagtrabaho kami arog sa mga asno o kamelyo; pagal na kami alagad dai tinutugotan na magpahingalo.

Habakkuk 2:13

Nagparagal sa mayong kamugtakan na trabaho an mga nasyon na sinakop nindo; an gabos nindang pinatindog nagkakasurulo man sana. An Kagurangnan nin mga hukbo iyo an kaggibo kaini.