Jeremias 51:57 - Marahay na Bareta Biblia

⁵⁷ Buburaton ko an saiyang mga pamayo— an madodonong na mga lalaki, an mga lider, asin an mga soldados. Makatorog sinda saka dai na nanggad magigimata. Ako, an hade, an nagtaram; Ako, an Kagurangnan nin mga hukbo.

Jeremias 51:57 ပူးပေါင်းရင်းမြစ်များ

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Isaias 44:25

Ginigibo kong mga lolong an mga parahula asin dai ko pinapangyari an hula kan mga nag-aadal kan mga bitoon. Sinasalungat ko an mga tataramon kan mga madonong asin ipinahiling kong kalolongan an saindang kadonongan.

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Jeremias 13:13

Dangan sabihan mo sinda na ako, an Kagurangnan, an mapano sa gabos na nag-eerok sa dagang ini nin arak sagkod na maburat sinda; sa mga hade, na mga kapagarakian ni David, sa mga padi, sa mga propeta, saka sa gabos na taga Jerusalem.

Jeremias 25:27

Dangan tinaraman ako nin Kagurangnan, “Sabihan mo an mga tawo na ako, an Kagurangnan nin mga hukbo, an Dios nin Israel, nagboboot na mag-inom sinda sagkod na maburat saka magsuka, sagkod na matumba saka dai na makatindog, huli kan gera na ipapadara ko sainda.

Jeremias 46:18

Ako, an Kagurangnan nin mga hukbo, iyo an hade. Ako, iyo an Dios na buhay. Arog sa Bukid nin Tabor sa tahaw kan mga bukid, asin arog kan Bukid nin Carmelo sa gilid kan dagat, an kosog kan sarong maabot na masalakay saindo.

Jeremias 48:15

Nag-abot na an maraot kan Moab asin kan saiyang mga syudad; an pinakamarahay sa saiyang mga hoben gagaradanon. Ako an hade, an Kagurangnan nin mga hukbo, asin ako an nagtaram.

Jeremias 50:30

Kaya gagadanon sa mga tinampo kan syudad an mga hoben na lalaki; gagadanon sa aldaw na iyan an gabos niyang soldados. Ako, an Kagurangnan, an nagtaram.

Jeremias 51:39

Mga unason daw sinda? Ipag-aandam ko sinda nin sarong bangkete, saka buburaton ko sinda asin papaogmahon. Makatorog sinda asin dai na nanggad magigimata.

Ezekiel 20:33

“Siring na ako an Kagurangnan Dios na buhay, pinapatanidan ko kamo na sa sakong kaanggotan, gagamitan ko kamo nin makosog asin nakaunat na kamot sa sakong paghahade.

Nahum 1:10

Arog sa nagkagurumos na mga tonok asin alang na dagami matututong kamo!

Nahum 3:18

Emperador nin Asiria, garadan na an saimong mga gobernador, asin nagkakatorog na sagkod pa man an saimong mga ginagalangan na mga lalaki! An saimong mga nasasakopan nagkawararak na sa kabukidan, asin mayo nin madara sainda pabalik sa saindang mga harong.

Malakias 1:14

Humugpa logod an maldisyon sa paradaya na nagsasakripisyo sa sako nin mayong halagang hayop, mantang igwa man sana siya nin mga marahay na hayop na saiyang itinugang itatao sako! Dakula akong hade, asin kinakatakotan ako kan mga tawo sa gabos na nasyon.”

Kapahayagan 18:9

Pagtatangisan asin paghahayaan siya kan mga hade sa kinaban na nakipagdorogan saiya asin nagpalabi sa kaibahan niya, kun mahiling ninda an aso nin saiyang pagkasulo.