Jeremias 51:53 - Marahay na Bareta Biblia

⁵³ Maski pa masakat kan Babilon an langit saka makatugdok duman nin makosog na bantayan, mapadara ako nin mga tawo tanganing raoton iyan. Ako, an Kagurangnan, an nagtaram.”

Jeremias 51:53 ပူးပေါင်းရင်းမြစ်များ

Genesis 11:4

Dangan nagsabi sinda, “Gumibo kita nin sarong syudad, na igwa nin tore na abot sa langit, tanganing mabantog kita asin dai magkasiriblag sa bilog na kinaban.”

An Libro ni Job 20:6

Maski an saiyang langkaw makaabot sa kalangitan, asin an saiyang payo makaabot sa mga panganoron,

Isaias 13:17

Nagsasabi an Kagurangnan, “Sosotsotan ko an mga taga Media tanganing salakayon an Babilon. Dai ninda pinapahalagahan an plata asin dai sinda naoogma sa bulawan.

Isaias 41:25

“Nagpili na ako nin sarong lalaki na nag-eerok sa sirangan; pinapasalakay ko siya hale sa amihan. Tinitimaktimakan niya an mga pamayo na garo sinda laboy, siring kan paragibo nin koron na nagtitimaktimak kan laboy.

Isaias 47:5

Sinasabihan nin Kagurangnan an Babilon, “Tumukaw ka asin dai ka maggirong diyan sa diklom; dai ka na aapodon na reyna nin mga nasyon!

Isaias 47:7

Naghona ka na danay kang magigin reyna, kaya dai mo naisip an mga bagay na ini o nagiromdoman an magigin kataposan kaiyan.

Jeremias 49:16

Dinaya ka kan saimong kapalangkawan. Mayo nin natatakot saimo, arog kan iniisip mo. Nag-eerok ka sa mga lungib sa kagapoan, na nasa kaitaasan kan bukid. Alagad maski nag-eerok ka sa halangkaw na lugar arog kan agila, ibababa ka nin Kagurangnan. An Kagurangnan an nagtaram.”

Jeremias 50:21

Nagsasabi an Kagurangnan, “Salakayon nindo an mga taga Merataim asin mga taga Pekod. Gadanon nindo saka puhoon nanggad sinda. Giboha nindo an gabos na ipinagboot ko saindo. Ako, an Kagurangnan, an nagtaram.

Jeremias 50:25

Binukasan ko an sarayan kan mga armas, asin ilinuwas ko an mga armas huli sa sakong kaanggotan; huli ta ako, an Kagurangnan Dios nin mga hukbo, igwa nin gigibohon sa Babilonia.

Jeremias 50:45

Kaya hinanyoga an plano ko laban sa syudad nin Babilon asin an boot kong gibohon sa namamanwaan kaiyan. Maski an mga saradit nindang aki kukuahon, asin magkakatirikbahan an lambang saro.

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 51:25

Babilonia, arog ka sa sarong bukid na nagraraot kan bilog na kinaban, alagad ako, an Kagurangnan, iyo an saimong kalaban. Tutupagon taka, papatagon, asin babayaan na abo na sana.

Jeremias 51:48

Dangan an langit saka an daga, asin an gabos na yaon diyan, mag-aawit sa kaogmahan sa panahon na an Babilonia bumagsak sa kamot kan mga magaba saiya hale sa amihan.

Jeremias 51:56

Nag-abot sinda tanganing raoton an Babilon; binihag an mga soldados kaini, saka binari an saindang mga pana. Ako an Dios na nagpapadusa kan karatan, asin papabayadon ko an Babilonia sosog sa maninigo saiya.

Jeremias 51:58

An mahiwas na kudal nin Babilonia papatagon, saka an halangkaw na mga trangkahan susuloon. Mayo nin halaga an gibo kan mga nasyon; magkakalayo an saindang pinagpagalan. Ako, an Kagurangnan nin mga hukbo, an nagtaram.”

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Amos 9:2

Maski maggibo sinda nin kalot pasiring sa kinaban kan mga gadan, madadakop ko pa sinda. Maski magsakat sinda sa langit, dadarahon ko sinda sa ibaba.

Amos 9:4

Maski bihagon sinda kan saindang mga kaiwal, pagbobotan ko an mga ini tanganing gadanon sinda. Desidido na ako na gadanon sinda, bakong tabangan.”

Habakkuk 2:9

Herak man saindo na nagpayaman kan saindong mga pamilya, huli sa mga nakua nindo sa paagi nin kadahasan! Hiningowa nindong magin ligtas an sadiri nindong harong,