Jeremias 51:51 - Marahay na Bareta Biblia

⁵¹ Nagsasabi kamo, ‘Napasopog kami huli ta nakadangog kami nin pagtuyatuya; namatean mi an pagkawara kan samong onra huli ta nagdatong an mga dayuhan saka naglaog sinda sa mga banal na lugar sa Templo.

Jeremias 51:51 ပူးပေါင်းရင်းမြစ်များ

Salmo 109:29

Mapano logod nin disonra an sakong mga kaiwal; mapatos sinda nin sopog na garo tamong.

Salmo 71:13

Mapasopog logod asin madaog an minasalakay sako; magkasoropog saka mawaran nin dangog an mga boot magkulog sako.

Salmo 79:1

O Dios, an saimong daga linaog kan mga pagano; pinagbasang-basang ninda an banal mong Templo; rinumpag ninda an Jerusalem.

Salmo 79:12

An ibang nasyon makapitong beses mong padusahan, huli kan pagtuyatuya ninda saimo, Kagurangnan.

Salmo 79:4

Nagin ngingisihan kami kan samuyang mga kataed; pinag-olog-olog saka pinagtuya-tuya kan mga nasa palibot nyamo.

Salmo 89:46

Sagkod nuarin, Kagurangnan? Matago ka daw sagkod pa man? Sagkod nuarin malaad siring sa kalayo an saimong kaanggotan?

Isaias 13:1

Iyo ini an mensaheng hale sa Dios dapit sa Babilon, na inako ni Isaias na aking lalaki ni Amoz.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 21:1

Iyo ini an mensahe dapit sa Babilon. Siring sa sarong aripuros na minaagi sa Negeb hale sa kalangtadan, an kasakitan maabot hale sa sarong makatatakot na daga.

Isaias 47:1

Nagsasabi an Kagurangnan, “Babilon, humilig ka sa saimong trono, asin tumukaw ka sa alpog kan daga. Kaidto nakakaagid ka sa sarong birhen, sarong syudad na dai nasakop, alagad bako ka nang lumbod asin mabini! Saro ka nang oripon ngunyan!

Jeremias 14:3

Sinugo kan mayayaman an saindang mga sorogoon tanganing magharok; nagduman sinda sa mga bubon, alagad mayo sinda nin nakuang tubig; nagbalik sinda na mayo nin laog an mga tapayan. Huli sa kasosopgan saka pagkaribong, tinahoban ninda an saindang mga lalawogon.

Jeremias 31:19

Nagtalikod kami saimo, alagad boot ming magbalik ngunyan. Pakatapos na padusahan mo kami, idinuko mi an samong mga payo huli sa kamondoan. Nasopog kami saka nawaraan nin onra huli ta nagkasala kami mantang kami mga hoben pa.’

Jeremias 52:13

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Mga Panambitan 1:10

Sinamsam kan kaiwal an gabos niyang kayamanan. Nahiling niya an paglaog kan mga kaiwal sa saiyang Templo, an lugar na ipinangalad nin Kagurangnan na laogon nin mga pagano.

Mga Panambitan 2:20

Hilinga, Kagurangnan! Hilinga kun siisay an saimong pinapadusahan! Dapat daw na kakanon kan mga ina an mga aki na saindang namomotan? Dapat daw na an mga padi saka mga propeta sa Templo mismo gadanon?

Mga Panambitan 5:1

Giromdoma, Kagurangnan, an nangyari samo; masdan mo kami asin hilinga an samong kasosopgan.

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Ezekiel 36:30

Papadakulon ko an bunga kan saindong mga kahoy saka mga oma, tanganing dai na kamo magkaigwa nin gutom na masopog sa saindo sa tahaw kan mga nasyon.

Ezekiel 7:18

Magubing sinda nin sako, asin matatakot nin labi-labi. Aarisan ninda an saindang payo asin masosopog sinda gabos.

Ezekiel 9:7

Sinabihan nin Dios an armadong mga lalaki, “Digtaan nindo an Templo. An mga patyo kaiyan panoa nindo nin mga bangkay. Lakaw na kamo!” Kaya pinonan ninda an panggagadan kan mga tawo sa syudad.

Daniel 11:31

An nagkapira kan saiyang soldados madigta kan Templo; oontokon ninda an aroaldaw na pagsakripisyo asin papatindogon an Makangirhat na Katakotan.

Amos 7:9

Mararaot an mga lugar na pinagsasambahan kan kapagarakian ni Isaac. Magkakagaraba an mga banal na lugar nin Israel. Tataposon ko an paghahade kan lahi ni Hadeng Jeroboam.”

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.