Jeremias 51:50 - Marahay na Bareta Biblia

⁵⁰ Nagsasabi an Kagurangnan sa saiyang banwaan na nasa Babilonia: “Kamong mga nakadulag sa kagadanan, humale na kamo diyan. Dai na kamo maghalat! Maski nasa harayo kamo, giromdoma nindo ako, na saindong Kagurangnan, saka giromdoma nindo an Jerusalem.

Jeremias 51:50 ပူးပေါင်းရင်းမြစ်များ

Salmo 122:6

Ipamibi nindo an katoninongan nin Jerusalem! “Mag-uswag logod an mga namomoot saimo.

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 51:11

May kaogmahan na makakaabot sa Jerusalem an mga ilinigtas mo, na nag-aawit saka nagkukurahaw sa kaogmahan. Magigin maogma sinda sagkod lamang, sagkod pa man ligtas sa dusa asin sa kamondoan.

Isaias 52:2

Pagbangon, O Jerusalem! Maghale ka diyan sa alpog asin magtukaw ka sa saimong trono! Tangkasa an kadena na nakagapos saimo, bihag na banwaan nin Sion!

Jeremias 31:21

Magbugtak ka nin mga tanda sa saimong agihan; hanapa giraray an dalan na saimong linakawan. Magbalik ka, banwaan nin Israel, magbalik ka sa mga syudad na saimong binayaan.

Jeremias 44:28

Alagad an nagkapira saindo makakadulag sa kagadanan saka mabalik sa Juda hale sa Egipto. Dangan maaaraman kan mga natadang ini kun kiisay na tataramon an magkakatotoo, an sako o an sainda.

Jeremias 50:8

“Banwaan nin Israel, magdulag kamo hale sa Babilonia! Maghale kamo sa banwaan na iyan! Kamo an mangenot sa pagdulag!

Jeremias 51:45

Mga taga Israel, maghale kamo diyan! Iligtas nindo an saindong sadiri sa makuri kong kaanggotan.

Jeremias 51:6

Maghale kamo sa Babilonia! Iligtas nindo an sadiri nindong buhay! Dai nindo ipahamak an saindong sadiri nin huli kan kasalan kan Babilonia. Binabalos ko siya ngunyan asin pinapadusahan kan maninigo saiya.

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Daniel 6:11

Kan mahiling kan mga kaiwal ni Daniel na namimibi ini sa Dios,

Kapahayagan 18:4

Dangan nakadangog ako nin saro pang tingog hale sa langit na nagsabi, “Lumuwas kamo, banwaan ko! Lumuwas kamo sa saiya, ta tibaad madamay kamo sa mga kasalan niya, ta tibaad madamay kamo sa mga pasakit saiya.