Jeremias 51:43 - Marahay na Bareta Biblia

⁴³ An mga banwa nagin sarong tanawon na nakakatakot. Garo sinda mga desyertong mayo nin tubig, na mayo nin siisay man na nag-eerok ni nag-aagi.

Jeremias 51:43 ပူးပေါင်းရင်းမြစ်များ

Salmo 46:8

Madya asin hilinga an ginibo nin Kagurangnan. Hilinga an makangangalas na mga bagay na ginibo niya sa kinaban.

Isaias 13:20

Mayo na nin mag-eerok duman sagkod pa man. Mayong lagalag na Arab na mapatindog kan saiyang tolda duman, asin mayong pastor na mapasabsab kan saiyang mga hayop sa nasabing lugar.

Isaias 34:13

Mga tonok saka mga binit an matalubo sa gabos na palasyo saka nakukudal na mga banwaan, asin mga lalaw na ayam saka mga kuwaw an mag-eerok diyan.

Isaias 47:11

Maabot saimo an kapahamakan, asin an saimong salamangka dai makakapugol kaiyan. Sa madali, maabot saimo an karatan— karatan na dai lamang nag-abot sa isip mo!

Jeremias 18:16

An dagang ini ginibo nindang sarong bagay na katakotan, na dapat na isikwal sagkod lamang. An gabos na maaragi digdi magkakamorongnan huli sa mahihiling ninda; magkokoyongkoyong sinda sa pagngalas.

Jeremias 2:6

Dai ninda ako nagiromdoman maski ako an nagluwas sainda hale sa Egipto saka nangenot sainda sa kalangtadan: sarong daga nin mga desyerto asin mga kalot, sarong dagang alang saka pano nin pag-alaman, na mayo nin tawong nag-eerok saka nag-aagi.

Jeremias 50:12

alagad mapapasopog asin mawawaraan nin onra an dakula nindong syudad. An Babilonia magigin pinakahuri sa mga nasyon, sarong alang saka mayong pakinabang na desyerto.

Jeremias 51:29

Nagtatakig saka namimiripit sa kulog an daga, huli ta dai nagbabago an katuyohan nin Kagurangnan laban sa Babilonia, na gibohon ining sarong desyerto, saen mayo na nin mag-eerok.

Jeremias 51:37

An nasyon na iyan magigin sarong tambak nin mga raot, na pag-eerokan nin mga lalaw na hayop. Siya magigin sarong tanawon na nakakatakot; mayo na nin mag-eerok duman, asin an gabos na makahiling saiya magkakamorongnan.

Jeremias 51:62

Dangan mamibi ka, ‘Kagurangnan, sinabi mo na raraoton mo an lugar na ini, tanganing mayo na nin mag-erok digdi, tawo man o hayop, dangan magin sarong desyerto ini sagkod lamang.’