Jeremias 51:36 - Marahay na Bareta Biblia

³⁶ Kaya tinaraman nin Kagurangnan an mga taga Jerusalem, “Makikilaban ako para saindo; ibabalos ko kamo. Papamarahon ko an dagat asin burabod kan Babilonia.

Jeremias 51:36 ပူးပေါင်းရင်းမြစ်များ

Salmo 107:33

Pinamara nin Kagurangnan an mga salog asin pinaontok sa pagbulos an mga burabod.

Salmo 140:12

Kagurangnan, aram kong tinatabangan mo an mga nasasakitan; asin an mga daing sukat tinatawan mo nin katanosan.

Mga Talinhaga 22:23

Susurogon sinda nin Kagurangnan, asin hohomaan niya an buhay nin siisay man na naghohoma kan buhay ninda.

Mga Talinhaga 23:11

An Kagurangnan iyo an saindang makosog na parasurog, asin siya an malaban kan saindang kaso laban saimo.

Isaias 19:5

Mahubas an tubig sa Salog nin Nilo, asin dikit-dikit na magmamara iyan.

Isaias 43:14

An banal na Dios nin Israel, an Kagurangnan na nagliligtas saindo, nagsasabi, “Sa pagligtas saindo, mapadara ako nin hukbo laban sa Babilon; gagabaon ko an trangkahan kan syudad, asin an mga kinurahaw kan saiyang namamanwaan magigin pagtangis.

Isaias 44:27

Huli sa sarong pagboot pinaalang ko an dagat.

Jeremias 50:38

Pagkaalang para sa saiyang daga; pagkahubas para sa saiyang mga salog. An Babilonia iyo an daga nin nakakatakot na mga dios-dios na nagparungaw sa mga tawo.

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 51:6

Maghale kamo sa Babilonia! Iligtas nindo an sadiri nindong buhay! Dai nindo ipahamak an saindong sadiri nin huli kan kasalan kan Babilonia. Binabalos ko siya ngunyan asin pinapadusahan kan maninigo saiya.

Ezekiel 25:14

An sakong banwaan nin Israel mabalos sa Edom para sako, asin ipapamate ninda sa Edom an dakula kong kaanggotan. Maaaraman kan Edom na ako an Kagurangnan, kun ipahiling ko na sainda an pagbalos ko sainda.” An Kagurangnan Dios an nagtaram.

Oseas 13:15

Maski pa magtalubo an Israel siring sa mga doot, ipapadara ko an mainit na doros sa sirangan hale sa desyerto na iyo an mapamara kan saindang mga burabod saka mga bubon. Iyo man iyan an makua kan gabos na bagay na mahalaga.

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

Deuteronomio 32:43

“Mga nasyon, mag-omaw kamo sa banwaan nin Kagurangnan, huli ta pinapadusahan nin Kagurangnan an minagadan sainda; binabalos niya an saiyang mga kaiwal asin pinapatawad an kasalan kan saiyang banwaan.”

Kapahayagan 16:12

Dangan inula kan ikaanom na anghel an nasa saiyang mangko duman sa dakulang Salog nin Eufrates. Nahubas an salog, tanganing may agihan an mga hadeng hale sa sirangan.