Jeremias 51:34 - Marahay na Bareta Biblia

³⁴ An Jerusalem binaak kan hade nin Babilonia dangan kinakan. Binayaan niya iyan na mayo nin laog arog sa sarong tapayan; arog siya sa sarong sawa na huminalon kaiyan. Kinua niya an saiyang nagustohan dangan itinapok an iba.

Jeremias 51:34 ပူးပေါင်းရင်းမြစ်များ

An Libro ni Job 20:15

Isinusuka kan maraot an kayamanan na saiyang hinabon; binabawi iyan nin Dios, maski nasa tulak na niya.

Salmo 74:13

Binanga mo an dagat kan saimong kosog; rinonot mo an payo kan mga dragon sa katubigan.

Mga Talinhaga 1:12

Pwedeng buhay asin mabaskog sinda kun makua ta sinda, alagad magigin gadan sinda, pakatapos ta sainda!

Isaias 34:11

An mga kuwaw saka mga uwak iyo na an mag-eerok sa daga. Gigibohon iyan nin Kagurangnan na magin sarong lugar na mayo nin nagtatalubo na anoman, arog kaido bago an paglalang.

Isaias 42:22

Alagad sinamsaman ngunyan an saiyang banwaan; ibinilanggo saka tinago sa madiklom na mga bilanggoan. Hinabonan saka sinamsaman sinda, asin mayo nin siisay man na maligtas sainda.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Jeremias 50:7

Sinalakay sinda kan gabos na nakanumpong sainda. Nagsabi an saindang mga kaiwal, ‘Nagkasala sinda sa Kagurangnan, kaya bakong maraot an samong ginibo. Nagsarig sa Kagurangnan an saindang mga ginikanan, asin kutana, nagdanay man sindang maimbod saiya.’

Jeremias 51:44

Papadusahan ko si Bel, an dios-dios nin Babilonia, asin ipapabalik ko sa saiya an mga hinabon niya; dai na nanggad masamba saiya an mga nasyon. “Narumpag na an mga kudal kan Babilon.

Jeremias 51:49

An Babilonia iyo an nagin dahelan kan pagkagadan kan mga tawo sa bilog na kinaban, asin ngunyan marurumpag an Babilonia huli ta siya an nagin dahelan kan pagkagadan kan kadakul na mga Israelita. Ako, an Kagurangnan, an nagtaram.”

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Mga Panambitan 2:16

An gabos mong kaiwal nag-olog-olog saimo nagtutuyatuya, asin nagpaparagot nin ngipon mantang nagkukurahaw, “Narumpag mi siya! Iyo ini an aldaw na satong pinagparahalat!”

Ezekiel 36:3

“Kaya magpropesiya ka asin isabi mo na ini an itinataram ko, an Kagurangnan Dios: Kan an kabukidan nin Israel sakopon asin samsaman kan mga kataraed na nasyon, an Israel pinag-olog-olog kan gabos na banwaan.

Oseas 8:8

Nakaarog na an Israel sa ibang nasyon asin mayo na siya nin halaga siring sa sarong pasang koron.

Amos 8:4

Dangoga nindo ini, kamo na nagtitimaktimak sa mga daing sukat asin nagpapasakit sa mga dukha kan daga.

Nahum 2:2

Madali nang ibalik nin Kagurangnan an kamurawayan nin Israel, an dating kamurawayan kaini kan dai pa sinasamsaman kan saiyang mga kaiwal.)

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (