Jeremias 51:28 - Marahay na Bareta Biblia

²⁸ Paandama an mga nasyon sa pakigera laban sa Babilonia. Apoda nindo an mga hade nin Media, an saindang mga lider saka mga opisyal asin an mga hukbo kan mga banwaan na sakop ninda.

Jeremias 51:28 ပူးပေါင်းရင်းမြစ်များ

Genesis 10:2

An mga aking lalaki ni Jafet iyo si Gomer, Magog, Madai, Javan, Tubal, Mesek, asin Tiras.

1 Mga Cronica 1:5

An mga aking lalaki ni Jafet iyo si Gomer, Magog, Madai, Javan, Tubal, Mesec, asin Tiras.

Esther 1:3

Kan ikatolong taon nin saiyang paghahade, nagbangkete siya para sa gabos niyang opisyal saka mga administrador, para sa mga hukbo nin Persia saka Media, asin para sa mga gobernador saka mga ginagalangan na tawo kan mga probinsya.

Esther 10:2

An darakula saka makangangalas na mga bagay na ginibo niya, sagkod an bilog na istorya kan paglangkawan niya sa katongdan ki Mardokeo, gabos nasusurat sa opisyal na talaan kan mga hade nin Persia saka Media.

Isaias 13:17

Nagsasabi an Kagurangnan, “Sosotsotan ko an mga taga Media tanganing salakayon an Babilon. Dai ninda pinapahalagahan an plata asin dai sinda naoogma sa bulawan.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Jeremias 25:14

Babayadan ko an mga taga Babilonia sosog sa saindang mga ginibo, kaya gigibohon sindang mga oripon kan dakul na nasyon saka darakulang hade.’”

Jeremias 50:41

“May nagdadangadang na mga tawo hale sa sarong nasyon sa amihan, sarong nasyon na mapangyari; kadakul na hade an nag-aandam para sa gera.

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 51:27

“Iitaas nindo an bandera sa pagsalakay! Patanogon nindo an trompeta tanganing madangog kan mga nasyon. Paandama an mga nasyon sa pakigera laban sa Babilonia! Taraman nindo an mga kahadean nin Ararat, Minni asin Askenaz na magsalakay laban saiya. Pumili kamo nin opisyal na mangengenot sa pagsalakay. Magpadara kamo nin mga kabayo na arog kadakul sa mga lokton.

Jeremias 51:29

Nagtatakig saka namimiripit sa kulog an daga, huli ta dai nagbabago an katuyohan nin Kagurangnan laban sa Babilonia, na gibohon ining sarong desyerto, saen mayo na nin mag-eerok.

Daniel 6:1

Pinagmarahay ni Dario na magbugtak nin syento beynteng mga gobernador sa bilog niyang imperyo.

Daniel 6:8

Kaya magpaluwas ka kaining pagboot, Mahal na Hade, asin pirmahan mo, tanganing dai maliwat, sosog sa togon kan mga taga Media asin mga taga Persia.”

Daniel 8:20

“An lalaking karnero na nahiling mo na igwang duwang sungay, iyo an kahadean nin Media saka Persia.

Daniel 9:1

Pinaghadean ni Dario, na sarong Medo, na aking lalaki ni Jerjes, an kahadean nin Babilonia.